Аймақтар • 17 Қаңтар, 2019

Оралда «Автобус» жедел шарасы өтуде

226 реткөрсетілді

17-19 қаңтар аралығында Батыс Қазақстан облысында «Автобус» жедел-сауықтыру шарасы өтіп жатыр. Шараның мақсаты – алыс-жақын қашықтықта жолаушы тасымалымен айналысатын көлік иелерінің тәртібін тексеру.

Журналистердің қатысуымен өткен алғашқы күндік рейд кезінде «Рубеж-Орал» стационарлық бекетінде тексерілген «ГАЗель» автокөлігі жүргізушісінің құжаттары дұрыс болмай шықты. Өзбекстан Республикасының азаматтарын тиеп алып, «Воронеж-Шымкент» бағытына жол тартқан көлік Қазақстан Республикасы Әкімшілік Құқықбұзушылық туралы Кодекстің үш бірдей бабын бұзған екен. Жүргізушінің еңбек режимі сақталмаған, қауіпсіздік белдігін қолданбаған және көлік құралын пайдалану ережесін бұзған жүргізуші әкімшілік жауапкершілікке тартылды.

- 2018 жылы өңірде қоғамдық көліктер 11 мәрте жол-көлік оқиғасына ұшыраған. Бұл оқиғалардан 7 адам қаза тауып, 15-і әртүрлі жарақат алды. Осы 11 оқиғаның алтауы – автобус жүргізушінің кінәсінен болған екен. Нәтижесінде 3 адам өліп, 6 жолаушы жараланды, - дейді Батыс Қазақстан облыстық Полиция департаментінің баспасөз қызметкері Әлия Наурызғалиева.

Қазақстанда 16-20 қаңтар аралығында еліміздің көші-қон заңдылықтарын бұзушыларды анықтау мақсатында «Мигрант» жедел-сауықтыру шарасы да өтіп жатыр.

Қазбек ҚҰТТЫМҰРАТҰЛЫ,

«Егемен Қазақстан»

Батыс Қазақстан

Соңғы жаңалықтар

Атыраулықтар тағы да үздіктер қатарында

Аймақтар • 13 Желтоқсан, 2019

Тәуелсіздік – тұғырым

Аймақтар • 13 Желтоқсан, 2019

Жас отбасылар баспаналы болды

Аймақтар • 13 Желтоқсан, 2019

Күлкі керуені № 25

Руханият • 13 Желтоқсан, 2019

Ұқсас жаңалықтар