Қазақстан • 18 Қаңтар, 2019

Басым бағыттардың бірі

335 рет
көрсетілді
4 мин
оқу үшін

«Нұр Отан» партиясы елімізде әлеуметтік кәсіпкерліктің дамуына қолдау көрсетеді. Бұл туралы Астанадағы «GreenTAL» әлеуметтік шеберханасына барған партия Төрағасының бірінші орынбасары Мәулен Әшімбаев айтты.

Басым бағыттардың бірі

Шеберханаға арнайы келген «Нұр Отан» партиясы Төр­ағасының бірінші орынбасары мекеме ұжымымен кездесті. Өз сөзінде М.Әшім­баев әлеуметтік бастамалардың маңы­зы мен олардың ел дамуына тигізер әсері жөнінде сөз етті.

– Елбасы Қазақстан халқы­на арнаған Жолдауында мүм­кіндігі шектеулі жандарға жүйе­лі қолдау көрсету жә­не олар үшін кедергісіз орта қа­­лып­­тастыру туралы алды­мызға нақты міндеттер қойды. Со­­ған байланысты партиямыз бел­­сенді әрекет етіп, нақты жұ­мыс­тарды қолға алды. «Кедер­гісіз келешек» партия­лық жо­басы аясында да бірне­ше бағытта ауқымды жұмыстар атқары­лып жатыр. Атап айт­қанда, инклюзивті білім беру ісіне, кедер­гісіз орта қалып­тас­тыруға, мүм­кіндігі шектеулі жан­дардың саяси-әлеуметтік өмірге белсене қатысуын қам­тамасыз етуге және оларды жұмыспен қамтуға басымдық беріп отырмыз, – деді ол.

Қазіргі таңда мүмкіндігі шектеулі жандарды жұмыспен қамту – қоғамымыздағы ең өзек­ті мәселелердің бірі. Өйткені өкінішке қарай мұндай аза-

маттарды барлық кәсіпорын бірдей жұмысқа қабылдай бер­мейді. Сол себепті «Нұр Отан» партиясы осы мәселені ше­шу­дің озық үлгілерін қарастырып, ұтымды жолдарын қолға алмақ.

– Әрине, мүмкіндігі шек­теу­лі азаматтар мемлекеттен тиісті жәрдемақы алады. Де­генмен олардың арасында жұмысқа қабілетті және ең­бекке араласқысы келетіндері бар. Сондықтан олардың қо­сым­­ша табыс тауып, өмір сүру сапасын арттыруына лайық­ты жағдай жасалуы тиіс, – деген М.Әшімбаев осы істе әлеу­мет­тік кәсіпкерліктің берері мол екенін айтты.

Сонымен қатар ол «Нұр Отан» пар­тиясының елімізде атал­­ған кәсіпкерлікті дамыту­ға ықпал етуді жоспарлап отыр­ға­нын жеткізді. Бұл істе «Green­TAL» сияқты ком­пания­лардың тәжірибелеріне ерекше назар аударып, оны Қазақстанның өзге өңірлерінде де іске асыруға жағдай жасалуы тиіс.

Әлеуметтік мекеменің жұмы­сымен танысу барысында М. Әшімбаев әлі де жетілдіруді қажет ететін тұстарға да назар аударды. Оның сөзіне қара­ғанда, бұл істе мемлекеттік ор­ган­дар мен әлеуметтік кәсіп­керлердің арасындағы өзара іс-әрекетті жандандыру керек. Сондықтан партия тарапынан осы бағытта тиісті жұмыстар қолға алынбақ.

– Аталған істе әлеуметтік кәсіпкерлікті дамытудың нақты ережесін қалыптастыруға және нормативтік-құқықтық базаны жетілдіруге көңіл бөлу керек. Ол әлеуметтік кәсіп­кер­лер мен жұмыс істей­тін мүмкіндігі шектеулі жан­дар­дың мүддесін қорғап қана қоймай, мемлекеттік орган­дардың саясатына да сай болуы тиіс. Сондықтан осындай мәселелерді Еңбек және ха­лықты әлеуметтік қорғау министрлігінің алдына қойып, тиісті жұмыстардың қолға алынуына ықпал ететін боламыз, – деді партия Төрағасының бірінші орынбасары.

Айта кетейік, «GreenTAL» әлеуметтік шеберханасы жас кәсіпкер Эмин Аскеровтің бас­­та­масымен осыдан төрт жыл бұрын ашылған. Онда мүм­кін­дігі шектеулі жандар­ды оқытып, жұмысқа орна­ла­сты­руға қажетті жағдай жасалған.

– Әлеуметтік кәсіп­кер­лікпен айналысқысы келген жан алдымен бұл істің қо­ғамға қандай пайдасы бар екенін анықтап алуы керек. Кәсібің мен ішкі жан дүниеңде де үйлесім болуы тиіс. Мен қан­дай кәсіппен айналыссам да байлыққа белшемнен ба­туды көздеген жоқ­пын. Қай­та бизнесім арқы­лы ха­лық­қа қандай да бір көме­гімді тигізуді мақсат тұттым. Осы­лай­­ша, әлеуметтік кәсіп­кер­­лік­ке бет бұрдым, – дейді Э.Ас­­­ке­ров.

Бүгінде аталған әлеуметтік шеберханада темір, ағаш, дәне­кер­леу, тігін және безендіру цех­тары, көркемөнер студия­сы, сондай-ақ типография жұ­мыс істейді. Осы жерде дайын­далған өнімдер Астана нары­ғында жоғары сұранысқа ие. Сон­дай-ақ таяуда мұнда тренниг-кафеге арналған бөлім де ашылған. Ол жерде даяшылар, бармендер және ас үй қызметкерлерін даярлайтын курстар жұмыс істейді.

Жолдыбай БАЗАР,

«Egemen Qazaqstan»