Аймақтар • 18 Қаңтар, 2019

Солтүстік Қазақстанда мас жүргізуші полиция көлігін соқты

318 реткөрсетілді

Полиция қызметкерлері жол тәртібі ережелерін өрескел бұзған мас жүргізушіні күшпен тоқтатуға тура келді.

«Мерседес» автокөлігімен желдей жүйткіген жүргізуші жол-патруль полицейлерінің тоқтау туралы белгісіне мойынұсынбаған. Күштеп тоқтатылған бұзақы көлік салонынан шығудан бас тартып, оның ақыры полиция автокөлігін соғып, зақымдауға әкелген.

«Мас жүргізушіні құрықтау үшін тәртіп сақшылары күш қолдануға мәжбүр болды» делінген Полиция департаменті баспасөз қызметі таратқан хабарламада.

Тексеру барысында 1978 жылы туған Петропавл қаласы тұрғынының бұрын жүргізуші куәлігінен айырылғаны, сол сияқты жеңіл дәрежедегі алкогольдік масаң күйде болғаны анықталды. Оның жол тәртібі ережелерін өрескел бұзу және заң тәртібіне бағынбау әрекеттеріне байланысты құқық бұзушылық әкімшілік хаттама толтырылып, жедел-тергеу тобына тапсырылды. Оқиға бойынша  Қылмыстық Кодекстің «Билік өкіліне қатысты күш қолдану» бабы бойынша сотқа дейінгі тергеп-тексерудің бірыңғай тізіміне енгізілді.

Петропавл қаласы 1-ші полиция бөлімінің бастығы, полиция полковнигі Балабек Жахиннің айтуынша, биыл сотқа дейінгі тергеп-тексерулердің бірыңғай тізіміне полиция қызметкерлеріне бағынбаудың екінші фактісі тіркеліп отыр.

Өмір ЕСҚАЛИ,

«Егемен Қазақстан»

Солтүстік Қазақстан облысы

Соңғы жаңалықтар

Тіл тұғыры биіктей бермек

Қоғам • Бүгін, 18:22

Сырдағы достық мерекесі

Аймақтар • Бүгін, 12:37

Күлкі керуені № 19

Руханият • Бүгін, 10:15

Жас буын жаңғыру жолында

Руханият • Бүгін, 08:39

ҚХЛ үздіктері қатарына енді

Хоккей • Бүгін, 08:10

Аргентиналық «Цунамимен» айқасады

Кәсіпқой бокс • Бүгін, 08:09

УЕФА рейтингінде жоғарылады

Футбол • Бүгін, 08:07

Ұқсас жаңалықтар