Бір тәулік ішінде Шымкент қаласының Полиция департаменті Көші-қон қызметі басқармасының қызметкерлері Қазақстан Республикасының Көші-қон заңнамасына қатысты 32 бұзушылықты анықтаған. Олардың ішінде 27 шетелдік және 5 Қазақстан азаматы бар.
15 құқық бұзушылық әрекетке ескерту беріліп, заңды белден басқан 8 азаматқа әкімшілік айыппұл салынды. Сондай-ақ 9 шетелдік әкімшілік қамауға алынды және сот шешімі бойынша 2 кісі елден шығарылды.
Жедел рейдтік шара барысында қалалық Полиция департаментінің қабылдау-тарату орнына жеке басын куәландыратын құжаттары жоқ 22 адам қамауға алынды.
Шетелдік азаматтарды заңсыз тұрғын үймен қамтамасыз ететін 4 азамат және ҚР ӘҚБтК-нің 519-бабы мен ҚР ӘҚБтК-нің 449-бабының 3-бөлігін бұзған шет мемлекеттің 1 азаматы анықталды.
Естеріңізге салар болсақ, «МИГРАНТ» жедел профилактикалық іс шарасы 20 қаңтарға дейін жалғасады.
