Әлем • 22 Қаңтар, 2019

2018 жылы Қытайдағы бала туу көрсеткіші күрт төмендеді

242 реткөрсетілді

Қытай Халық республикасы «Бір отбасы – бір бала» саясатынан бас тартқалы бері екінші жыл қатарынан бала туу көрсеткіші 2 миллионға төмендеген. Бұл туралы Ұлттық статистика бюросы хабарлады.

Бюроның мәліметіне сүйенсек, 2017 жылмен салыстырғанда (17,23 миллион) өткен жылы 15,23 миллион бала дүниеге келген. Өткен жылы Қытай халқының саны 5,3 миллионға артып, 1,395 миллиардқа жетті.

Сарапшылардың болжауынша, қытайлық отбасылардың екі балалы болу мүмкіндігіне қарамастан болашақта халық санының өсуі баяулайды.

Қытай Халық және Денсаулық сақтау ұлттық комиссиясы даму ғылыми-зерттеу орталығының зерттеушісі Хуан Куанши өткен жылғы туу көрсеткішін 15 миллионнан 16 миллионға өскенін айтты.

Қытай билігі 2016 жылдың басында елдегі демографиялық ахуалды реттеу және халықтың қартаю мәселесін шешу үшін екі бала сүюге рұқсат еткен еді. Бұл жылы туу көрсеткіші (2000 жылдан бергі ең үлкен көрсеткіш) 1,3 миллионға көбейген. Бірақ 2017 жылы бұл статистика жарты миллионға қысқарған.

Нанькай университеті демографиялық зерттеу институтының профессоры Юань Синьнің жазуынша, көрсеткіштің 2 миллионға төмендегеніне таңданып, халықтың демографиялық ахуалын зерттеуші ғалымдардың өткен жылғы туу көрсеткіштің төмендеуі әлі де жалғасатынын бір ауыздан келіскен.

«Жылдық есептегі туу көрсеткішінің 12%-ға азаюы халық өсімінің күрт төмендеуі іспеттес. Өткен жылғы туу көрсеткіші соңғы 70 жыл ішіндегі үшінші орынға тұрақтаған», деді Юань Синь.

«Өткен жылы туу көрсеткішінің төмендеуіне көптеген факторлар әсер еткен. Әйелдердің бала туу жасының ұлғаюынан бастап, балаларды оқытуға және тәрбиелеуге кететін шығын мөлшері және бедеулік мәселесі мен жалғыз өмір сүруді жөн көретіндердің көбеюі себеп», дейді Юань Синь.

Оның айтуынша, Қытайда әйелдердің бала босануының жасы – 20 мен 34 жас аралықта. Соңғы бірнеше жыл көлемінде шамамен 2,8 миллионға қысқарған.

Статистика бюросының дүйсенбіде жарияланған деректерінше, елдегі негізгі жұмыс күшін (16 жастан 59 жасқа дейінгі) 897 миллион адам құрайды. Бұл жалпы халықтың 64,3%-ы.

Бюро жетекшісі Нинг Цзицхэ туу көрсеткішінің төмендеуіне қарамастан Қытайдың бұрынғыдай күш-қуатқа ие екенін және жұмыс күшінің сапасы жоғарылап, экономиканың өсетінін айтты.

Ақмарал АҒЗАМҚЫЗЫ,

«Егемен Қазақстан»

Соңғы жаңалықтар

Тіл тұғыры биіктей бермек

Қоғам • Бүгін, 18:22

Сырдағы достық мерекесі

Аймақтар • Бүгін, 12:37

Күлкі керуені № 19

Руханият • Бүгін, 10:15

Жас буын жаңғыру жолында

Руханият • Бүгін, 08:39

ҚХЛ үздіктері қатарына енді

Хоккей • Бүгін, 08:10

Аргентиналық «Цунамимен» айқасады

Кәсіпқой бокс • Бүгін, 08:09

УЕФА рейтингінде жоғарылады

Футбол • Бүгін, 08:07

Ұқсас жаңалықтар