Қазақстан-Қытай шекарасы ақпан айында тоғыз күнге жабылады, деп хабарлайды ҚазТАГ.
Шекара 2-10 ақпан аралығында жабылады, деп нақтылады Ұлттық қауіпсіздік комитетінің Шекара қызметінде.
Шекараның жабылуы Қытайда ұлттық көктем мерекесін (Қытай Жаңа жыл) тойлаумен байланысты.
Қырғыз Республикасының Шекара қызметінің хабарлауынша, қырғыз-қытай шекарасы да жабылады.
Көктем мерекесі-қытайлықтар үшін ең маңызды мереке, оны екі мың жылдан астам уақыттан бері атап өтеді.
Биыл мерекені тойлау 5 ақпанға белгіленеді.
