Қазақстан • 12 Наурыз, 2019

2019 жылы жан басына шаққандағы ІЖӨ 9 мың долларды құрайды

984 рет
көрсетілді
1 мин
оқу үшін

2019 жылға ішкі жалпы өнімнің нақты өсімі 3,8% деңгейінде бағаланып отыр. Жан басына шаққандағы ІЖӨ 9 409 АҚШ долларын құрайды. Бұл туралы бүгін Үкімет отырысында Ұлттық экономика министрі Руслан Дәленов айтты.

2019 жылы жан басына шаққандағы ІЖӨ 9 мың долларды құрайды

Министрдің айтуынша, номиналды ІЖӨ 64,3 тлрн теңге көлемінде болжануда, бұл бұрынғы көрсеткіштен 323,5 млрд теңгеге артық. 

Р. Дәленовтің дерегінше, республикалық бюджеттің кірістері 2019 жылы 7 трлн теңге көлемінде бағаланады. Бұл бекітілген жоспардан 200,4 млрд теңгеге жоғары. Негізгі өсім қосылған құн салығы бойынша, шикі мұнайға салынатын экспорттық кедендік баж бойынша, сондай-ақ салықтық емес түсімдер бойынша күтілуде.

«Жаңа бастамаларды қаржыландыру үшін келесі өзгерістер ұсынылады: Ұлттық қордан кепілдендірілген трансфертті 250 млрд теңгеге ұлғайтып, 2 700 млрд теңгеге дейін жеткізу; тапшылықты жалпы ішкі өнімге қарағанда 1,5 пайыздан 2,1 пайызға дейін ұлғайту. Сондай-ақ Тікелей инвестициялар қорын құру үшін Ұлттық қордан 370 млрд теңге мөлшерінде нысаналы трансферт қарастырылған. Бұл ретте, түсімдер мен пайдалануды ескергенде Ұлттық қордың таза түсімдері оң нәтижеде болады», - деді ведомство басшысы.

Сондай ақ министрдің дерегіне сүйенсек, мұнай емес тапшылықтың деңгейі 2019 жылы жалпы ішкі өнімнің 8,4 пайызынан аспайды. Республикалық бюджеттің шығыстары бекітілген көлемге қарағанда 1,2 трлн теңгеге ұлғая отырып, 11,9 трлн теңге көлемінде болжанады.