Көп балалы аналар мен әлеуметтік аз қамтылған отбасыларға қолдау көрсету, халықтың әл-ауқатын арттырып, осы бағыттағы өзекті мәселелердің оң шешілуіне ықпал ету «Nur Otan» партиясының жұмысындағы негізгі басымдық болып саналады. Өйткені бұл – Елбасы, партия Төрағасының тікелей тапсырмасы. Соған сәйкес «Халыққа көмек» жобасы қолға алынып, тың бастамалар жүзеге асырыла бастады. Сондықтан бүгін партияның республикалық қоғамдық қабылдау бөлмесінде азаматтарды қабылдаған Мәулен Әшімбаев осы салаға ерекше назар аударды. Бұл туралы «Nur Otan» партиясының баспасөз қызметі хабарлады.

Қабылдауға еліміздің кейбір өңіріндегі азаматтар бейнеконференция байланысы арқылы қатысты. Солардың бірі Түркістан облысы Кентау қаласының тұрғыны, көп балалы және жалғызбасты ана Нағима Өмірзақова. Ол партиядан күн көріс деңгейіне байланысты мемлекет тарапынан көрсетілетін атаулы әлеуметтік көмек алуға жәрдем сұрай келген.
Ал Алматы облысының тұрғыны, 8 баланың анасы Гауһар Шалғынбаева өзінің жер телімі бар екенін айтып, енді үй салу үшін қолдау көрсетілсе деген өтінішін жеткізді. Жалғызбасты ананың бар тілегі балаларын баспанамен қамту.
Павлодарлық Елена Кукуруза да 4 баласын бір өзі тәрбиелеп отыр. Бүгінде балалары үшін алатын жәрдемақыға пәтер жалдап отырған ол партиядан баспана мәселесі бойынша қандай да бір көмек болса деген өтінішін жеткізді. Сондай-ақ Нұр-Сұлтан қаласының тұрғыны, «Алтын алқа» иегері, жолдасынан ерте айырылған Құралай Ақаева да партиядан материалдық көмек сұрап, өтінішін білдірді.
Мәулен Әшімбаев олардың барлығына «Халыққа көмек» жобасы аясында заң шеңберінде тиісті көмек көрсетілетінін айтып, партияның бірқатар аймақтық филиалдарына нақты тапсырмалар берді. Өз кезегінде филиал төрағаларының бірінші орынбасарлары аталған мәселелерді оң шешудің тиімді тетіктерін қарастырып қойғанын жеткізді. Сондықтан көп балалы аналардың мәселелері көп ұзамай оң шешімін табады деуге толық негіз бар.
«Nur Otan» партиясы Төрағасы Бірінші орынбасарының қабылдауына келген Дархан Біләлов жұмыс таба алмай жүргенін айтты. Қуанышқа орай бұл мәселе дереу шешімін тауып, жас маман тұрақты жұмыспен қамтылды. Енді ол партияның қоғамдық қабылдау бөлмесінде жұмыс істейтін болды.
– Партия Елбасының тапсырмасымен қолға алынған «Халыққа көмек» жобасы арқылы азаматтарға нақты көмек көрсетеді. Қиындыққа тап болған азаматтар дер кезінде біздің қолдауымызды сезінуі тиіс. Сол үшін «Бірыңғай әлеуметтік терезе» жүйесін іске қостық. Қазірдің өзінде жоба өз жемісін бере бастады. Алдағы уақытта бұл бастама партияның халыққа қолдау көрсету бағытындағы жұмыстарын жаңа деңгейге шығарады деп сенеміз, – деді Мәулен Әшімбаев.
Айта кетейік, «Халыққа көмек» жалпыұлттық жобасы Елбасы партияның кезекті XVIII съезінде анықтап берген әлеуметтік басымдықтардың бірі. Оның негізгі мақсаты – халықты алаңдатқан өзекті мәселелерді шешуге партия тарапынан нақты үлес қосу. Ол үшін партияның барлық филиалында жұмыс істейтін қоғамдық қабылдау бөлмелерінде Бірыңғай әлеуметтік терезелер ашылды. Сол арқылы халықты алаңдатқан барлық өзекті әлеуметтік мәселелерді дереу анықтап, жан-жақты талдап, оларды оң шешу үшін мемлекеттік органдармен, үкіметтік емес ұйымдармен және бизнес қауымдастықпен бірлесіп жұмыс істелмек.
Қоғамдық қабылдау бөлмелерінің мекенжайлары партияның ресми сайтында толық көрсетілген. Одан бөлек, азаматтар ұялы телефон, әлеуметтік желілер, ватсап мессенджері, электронды пошталар, электронды үкімет арқылы да өз өтініштерін жолдауға мүмкіндік қарастырылған. Осылайша партия әр өтінішті мұқият қарап, оның оң шешілуіне ықпал етпек.
Осыған байланысты бүгінгі қабылдауда әлеуметтік желілер мен мессенджерлер арқылы келген өтініштер де қаралып, олардың шешу жолдары пысықталды. Атап айтқанда, жас кәсіпкерлер қарағандылық Алексей Ли мен алматылық Аңсар Оңалбаев өтініштерін әлеуметтік желі мен электронды пошта арқылы жолдап, өз істеріне партия тарапынан қолдау көрсетілуін сұраған. Соған байланысты алдағы уақытта осы бағытта тиісті жұмыстар қолға алынатын болды.
Сондай-ақ қабылдауға «Кедергісіз келешек», «Мектеп асханалары» сияқты партиялық жобаларға қатысты ұтымды ұсыныстарын білдірген белсенді азаматтар да келді. Алматы қаласының тұрғыны, Халықаралық бизнес академиясы колледжінің оқытушысы Наталья Краснова мүмкіндігі шектеулі азаматтарға қолдау көрсету бағытында студенттер театрын ашқанын айтты.
– Жобаның басты мақсаты – мүмкіндігі шектеулі жандардың жаңа қырларын ашып, өмірге деген құлшыныстарын арттыру. Театр труппасының құрамында колледж студенттері мен «РУХ» мүмкіндігі шектеулі жандар орталығының жастары бар. Қазірдің өзінде Нұр-Сұлтан, Алматы қалаларындағы сахналарға шығып, 24 спектакль қойдық. Алдағы уақытта осы игі іске партия қолдау көрсетсе дейміз, – дейді Н.Краснова.
Мәулен Әшімбаев бұл бастаманың қамкөңіл жандар үшін берері мол екенін айтып, партияның «Кедергісіз келешек» жобасы аясында осы бағытта атқарып жатқан жұмыстарына тоқталып өтті. Одан бөлек, партия Төрағасының Бірінші орынбасары театр жұмысын кеңінен насихаттау үшін «Nur Otan» тарапынан ақпараттық қолдау көрсетілетінін жеткізді.
«Мектеп асханалары» партиялық жобасы бойынша өз ұсыныстарын айта келген Тамақтану мәселелері институтының директоры, медицина ғылымдарының докторы, профессор Ерболат Дәленов, Дұрыс тамақтану бірлестігінің төрағасы Қабыкен Закарянов және Мектептерге дұрыс тамақтану жүйесін енгізу қауымдастығының төрағасы Марат Баелов білім ошақтарындағы тамақтану жүйесіне көңілдері толмайтындарын жеткізді. Бұл мәселені ғылыми тұрғыда қайта қарап, ортақ жүйе енгізу керектігін айтқан олар жас буынның дені сау, бәсекеге қабілетті болып қалыптасуы үшін осы істің маңызы зор екеніне баса мән берді.
Бұл жөнінде «Nur Otan» партиясы Төрағасының Бірінші орынбасары партияның осы бағытта қолға алған жұмыстарына назар аударып, биылдың өзінде мемлекеттік органдардың және үкіметтік емес ұйымдардың қатысуымен еліміз бойынша 3500 мектеп асханасының жұмысы тексерілетінін айтты.
Қоғамдық қабылдау кезінде өз ауылын ауыз сумен қамту мәселесін көтерген Солтүстік Қазақстан облысы Аққайың ауданы Қиялы ауылының тұрғыны Татьяна Иванованың да өтініші тыңдалды. Партияның облыстық филиалы төрағасының бірінші орынбасары қазіргі таңда бұл мәселе бойынша өңірде «Құтты мекен» партиялық жобасы аясында нақты жұмыстар қолға алынғанын айтып, барлық іс-әрекет партияның бақылауында болатынын жеткізді.
Іс-шара соңында Мәулен Әшімбаев қабылдау нәтижесі бойынша анықталған мәселелерді оң шешу үшін партияның Орталық аппараты мен барлық аймақтық және аумақтық филиалдарына тапсырмалар беріп, әр өтініштің қараусыз қалмауы керектігін ерекше атап өтті.
Байқоңырдан «Протон-М» зымыран тасығышы ұшырылды
Оқиға • Бүгін, 15:55
Алина Дауранова конькимен жүгіруден Әлем кубогінің алтын медалін жеңіп алды
Спорт • Бүгін, 15:12
Пәкістанның бұрынғы президенті Первез Мушарраф қайтыс болды
Әлем • Бүгін, 14:20
ТЖМ Алматы және Жамбыл облыстарында су басудың алдын алды
Аймақтар • Бүгін, 13:46
Жедел жәрдем қызметінің жұмысына өзгерістер енгізілді
Медицина • Бүгін, 12:32
Тимофей Скатов Дэвис кубогінде қарсыласын жеңді
Теннис • Бүгін, 11:40
Өткен тәулікте 27 адам коронавирус жұқтырған
Коронавирус • Бүгін, 10:48
5 ақпанға арналған валюта бағамы
Қаржы • Бүгін, 10:11
«Барыс» «ЦСКА» командасымен сырт алаңда матч өткізеді
Хоккей • Бүгін, 09:31
Алматы облысының жолдарында көлік қозғалысына шектеу қойылды
Аймақтар • Кеше
Алматы облысында тас жолдың бір бөлігі жабылды
Аймақтар • Кеше
Жамбыл облысында екі балықшы мұз астына түсіп кетті
Аймақтар • Кеше
Бірнеше өңірде ауа райына байланысты ескерту жарияланды
Ауа райы • Кеше
Риддердегі вокзалда 2 вагон аударылып қалды
Оқиға • Кеше
Петропавл-Алматы бағытындағы пойызда өрт шықты
Аймақтар • Кеше
Алматыда жаңа автобус бағыты пайда болады
Аймақтар • Кеше
Ақтөбеде 28 жастағы ер адам зейнеткерді тонап кетті
Аймақтар • Кеше
Үкіметте газ саласын дамытудың өзекті мәселелері қаралды
Үкімет • Кеше
Елімізде ұстаздар мерекесінің күні өзгеруі мүмкін
Қоғам • Кеше
Ақмола облысында 10 күнде 510 көлік заңдастырылды
Аймақтар • Кеше
4 ақпанға арналған валюта бағамы
Қаржы • Кеше
Демалыс күндері ауа райы қандай болады?
Ауа райы • Кеше
Коронавирус жұқтырған 6 адамның жағдайы ауыр
Коронавирус • Кеше
Субсидиялардың 10-ға жуық кіші түрі жойылады - АШМ
Қазақстан • Кеше
Елордада «Open Day» бос жұмыс орындары жәрмеңкесі өтеді
Елорда • 03 Ақпан, 2023
Үндістандағы қар көшкіні кезінде туристер қаза тапты
Әлем • 03 Ақпан, 2023
Қазақстан мен Өзбекстан сауда-саттық көлемін ұлғайтады
Үкімет • 03 Ақпан, 2023
ЕАЭО аумағына бірыңғай валюта енгізіле ме?
Қаржы • 03 Ақпан, 2023
Жетісу облысының сот ғимараттары миналанғаны рас па?
Аймақтар • 03 Ақпан, 2023
Қазақстан мен Словакия экономикалық байланысты кеңейтуге мүдделі
Экономика • 03 Ақпан, 2023
Елордада онкологиядан болатын өлім-жітім көрсеткіші азайды
Медицина • 03 Ақпан, 2023
Астанада «Вaitursynuly.kz» сайтының тұсаукесері өтті
Ахмет Байтұрсынұлы • 03 Ақпан, 2023
Махамбет Әбжан 9 жылға бас бостандығынан айырылды
Оқиға • 03 Ақпан, 2023
Таразда төрт жасар баланы тоқ соқты
Қоғам • 03 Ақпан, 2023
Қазақстан-Чехия дипломатиялық қатынасына арналған дөңгелек үстел өтті
Қазақстан • 03 Ақпан, 2023
Ұқсас жаңалықтар