Қоғам • 10 Сәуір, 2019

Шетелдік көпсалалы емханалар қазақстандық клиникаларға бәсекелестік тудыруда

682 рет көрсетілді

Қазақстандықтар медициналық көмек алуда шетелдік емханалардың көмегіне жиі жүгіне бастаған. Медициналық қызмет көрсетуді жақсарту мәселесі өзінің өзектілігінен айырылар емес, ал бұл, өз кезегінде, нарықта жаңа қатысушылардың пайда болуына әсер етуде.

Ресми деректерге сәйкес, отандастарымыздың ауыр сырқаттарға шалдығу деңгейі жыл өткен сайын көбейіп келеді. Мәселен, 2017 жылы тұрғындар арасында алғаш рет тіркелген сырқаттанушылық 100 мың адамда 57896-ға жетсе, бұл ҚР Денсаулық сақтау министрлігінің жылдық статистикалық есебіне сәйкес өткен жылдын көрсеткішінен 1,9% артық. Ал «Samruk-Kazyna Trust» Әлеуметтік жобалар қорының мәліметтері бойынша дәрігерлер 2018 жылдың соңына қарай ел аймақтарында кең таралған сырқаттардың бірінші бестігін анықтады. Олар – артериалды гипертония, жүректің ишемиялық ауруы, қант диабеті, созылмалы бронхит, эндемиялық зоб. Ең қауіпті дерттер арасында туберкулез, қант диабеті мен онкология көш бастап тұр.

«Қазақстандықтар арасында онкологиялық дерттерді емдеуде кешенді әдіс-тәсілдерді қолданатын, жоғары технологиялық медициналық орталықтардың қызметіне деген сұраныс артып келеді», – дейді Ыстамбулдағы Anadolu емханасының профессоры, медицина ғылымдарының докторы Сердар Турхал. 

Профессордың айтуынша, 2018 жылы бір ғана Anadolu (Түркия) орталығына Қазақстаннан науқастар легі артқан. Соның нәтижесінде, қазақстандық пациенттердің 75%-не онкологиялық сырқаттарды емдеу бойынша қызмет көрсетілсе, 25% – ішкі сырқаттар, жалпы хирургия, нейрохирургия, педиатрия, кардиология, урология, ЭКО (экстракорпоральды ұрықтандыру), әйелдер сырқаттары бойынша ем қабылдаған.

Емхана деректері бойынша, Anadolu мамандарының көмегіне жүгінген қазақстандық науқастардың 30% өз диагнозы туралы Қазақстанда хабардар болған, бірақ өз елінде ем қабылдауды бастамаған. Қазақстандықтардың 50% емдеуді ҚР бастаған, бірақ олар емнің баламалы түрлерін немесе терапияның неғұрлым тиімді әдістерін зерделеуді жөн көрген. Қазақстандық пациенттердің 10%-нде сырқат асқынған, кеш кезеңде болған: ҚР оларға емнің бірнеше нұсқасы ұсынылмаған еді, ал Anadolu-да мұндай сырқаттардың табысты терапиясының тәжірибесі бар. Пациенттердің қалған 10% емхана көмегіне сырқаттың терминалдық кезеңінде жүгінген.

Шетелдік мамандар ҚР медициналық қызметтер нарығындағы бәсекелестіктің өсуі қазақстандық нарықтың дамуына жаңа серпін береді, деген сенімде.

Соңғы жаңалықтар

Алматыда троллейбус өртенді

Оқиға • 24 Маусым, 2022

Ұқсас жаңалықтар