Ел бірлігінің кепілі
Сейсенбі, 28 тамыз 2012 7:28
1995 жылдың 30 тамызында жалпы халықтық референдум арқылықолдау тауып, өз мәртебесіне ие болған Конституциямыз, қазіргі таңдабаршамыздың бостандығымыз бен құқығымыздың мызғымасберіктігіне айналды. Қазақ тарихында өз дәуіріне сай, елдің бірлігімен татулығын сақтау мақсатында заңдар қабылданғаны баршаға аян.Әз-Тәукенің «Жеті Жарғысы» заңы секілді, Есім ханның «Ескі жолы»,Қасым ханның «Қасқа жолы» барлық уақытта да қазақ елі тарихыныңтөрінен орын алатыны сөзсіз.
Сейсенбі, 28 тамыз 2012 7:28
1995 жылдың 30 тамызында жалпы халықтық референдум арқылықолдау тауып, өз мәртебесіне ие болған Конституциямыз, қазіргі таңдабаршамыздың бостандығымыз бен құқығымыздың мызғымасберіктігіне айналды. Қазақ тарихында өз дәуіріне сай, елдің бірлігімен татулығын сақтау мақсатында заңдар қабылданғаны баршаға аян.Әз-Тәукенің «Жеті Жарғысы» заңы секілді, Есім ханның «Ескі жолы»,Қасым ханның «Қасқа жолы» барлық уақытта да қазақ елі тарихыныңтөрінен орын алатыны сөзсіз.
Қай уақытты алып қарасақ та, халқымыз заңды жоғары бағалап, мойынсұнған. Онда көрсетілген барлық талап, ережелерді өз қалпында орындай отырып, ұрпағына тәртіпті сіңіре білген. Соның дәлелі «Ұрлық түбі – қорлық», «Тек жүрсең, тоқ жүресің» деген аталы сөздеріміз, ешкімнің мүлкін ұрламау, бұзақылық жасамау туралы тәлім-тәрбие.
Әр кезде де халықтың игілігі үшін қызмет атқаратын заңдарымыз, әуелі адамзаттың бостандығы мен құқығын қорғауға негізделген. Қандай да заңды алып көз жүгіртсеңіз, ең бірінші азаматтардың бостандығын жоғары орынға қоя отырып, құқықтарының қорғалуын көздейді. Осының бірден-бір айғағы Ата Заңымыздың тоғыз тарауының бір тарауы адам және азаматтардың бостандығы мен құқығына арналған. Ата Заңымызға енген 98-баптың, 29-бабы Қазақстан халқының құқығы мен бостандығын қорғауға арналғандығы еліміздің демократиялық мемлекет екендігін айқындайды. Онда биліктің қайнар көзі – халық деп тайға таңба басқандай халықтың құқығының басты рөл атқаратындығы көрсетілген.
Елімізде өмір сүріп жатқан барлық ұлт өкілдерінің бір атаның баласындай ауыз бірлікте, татулықта, теңдікте ғұмыр кешуіне еліміздің Конституциясы кепілдік береді. Нәсіліне, ұлтына, ұлысына, сенім-нанымына қарамастан барлығына тең қарайтын қазақ елінің Ата Заңы әрқашанда өз биігінде көрінетіні сөзсіз.
Конституциямыздың 12-бабының, 2-және 5-тармағында: «Адам құқықтары мен бостандықтары әркiмге тумысынан жазылған, олар абсолюттi деп танылады, олардан ешкiм айыра алмайды, заңдар мен өзге де нормативтiк құқықтық актiлердiң мазмұны мен қолданылуы осыған қарай анықталады. Адамның және азаматтың өз құқықтары мен бостандықтарын жүзеге асыруы басқа адамдардың құқықтары мен бостандықтарын бұзбауға, конституциялық құрылыс пен қоғамдық имандылыққа нұқсан келтiрмеуге тиiс» делінген. Қазақстанның әрбір азаматы тумысынан бостандық пен құқыққа ие болып өмірге келетіндігі, осы құқығы мен бостандығынан ешкім де айыра алмайтындығы және заңмен қорғалатындығы көрсетілсе, ал 17-бабында: «Адамның қадiр-қасиетiне қол сұғылмайды. Ешкiмдi азаптауға, оған зорлық-зомбылық жасауға, басқадай қатыгездiк немесе адамдық қадiр-қасиетiн қорлайтындай жәбiр көрсетуге не жазалауға болмайды» деп нақтылаған.
Қазақстан Республикасының аумағында және одан тыс жерлерде өмір сүріп жатқан азаматтардың құқықтарының қорғалуына мемлекет әрдайым кепілдік жасайды. Халқымызға осындай қамқорлық жасап отырған Ата Заңымызды құрметтеу және оған бой ұсыну елдің әрбір азаматының қасиетті борышы мен парызы деп білуіміз қажет.
Ақбұлан ӘЛЖАНОВ,
Қорғалжын аудандық
прокуратурасының қызметкері.
Ақмола облысы.