Маңғыстау облысының Қазақстан халқы Ассамблеясы Хатшылығының меңгерушісі Гүлжан Исмурзина тәуелсіздік жылдарында Қазақстан ұлы жолды бастан өткергенін атап өтті.
- Біздің еліміз экономикалық және әлеуметтік өзгерістердің ең перспективті динамикасы бар елдер тобына жатады. Қазақстан Президентінің сайлауын өткізу тарихи дәуірде шешуші рөл атқаратын маңызды процесс, деді Гүлжан Исмурзина.
Маңғыстау облысы Қазақстан халқы Ассамблеясы жанындағы кәсіпкерлер ассоциациясының төрағасы Жамбулат Тангиев өз
сөзінде ағымдағы жылдың наурыз айындағы жоғарғы билікті ауыстыру Негізгі заңның талаптарына сәйкес жүргізілгенін атап өтті. Билік тұрақтылығының жоғары деңгейін, демократиялық институттардың пәрменділігін, саяси мәдениет пен азаматтардың бірлігін атап өтіп, ол сайлау елдің ішкі және сыртқы саясатының сабақтастығы мен болжамдылығын растауға мүмкіндік беретініне сенім білдірді.
«Жанғыру жолы» облыстық жастар штабының төрайымы Антонина Огай елде тұрақты жағдайды күткен отандық және шетелдік бизнес тақырыбына тоқтала отырып, мерзімінен бұрын сайлау өткізудің маңыздылығы туралы өз пікірін білдірді.
- Қазақстан Республикасының Президентін кезектен тыс сайлауын осы жылдың 9 маусымында өткізу туралы шешім – өз уақытында қабылданған тарихи шешім. Өйткені, ел тарихында мемлекет басшысын сайлау, оны әділ де ашық өткізу арқылы қоғам дамуының қалыпты жағдайда жалғасын табуына арқау болатыны баршаға белгілі. Елімізде тұрақтылық пен келісімнің үндестік табуы да, экономикамыздың өрлеуі де, Қазақстанның гүлденіп әлемге танымал елге айналуы да Елбасы Нұрсұлтан Әбішұлы Назарбаев жүргізген салиқалы да салмақты саясатының жемісі болды. Міне, осы үрдіс өз деңгейінде жалғасын табу үшін биылғы жылы Президент сайлауын жоғары деңгейде өткізуге әрбір азамат атсалысуы қажет. Президентті анықтап, билік тізгінін ұстату – жауапкершілігі зор, халық тағдырын айқындайтын өте маңызды іс.
Қазақстанның жастары біздің еліміздің болашақ дамуына және болашақ мемлекет басшысына қатысты көптеген мәселелерге ие.
Қазақстандағы кезектен тыс президенттік сайлау жарияланғаннан бері Маңғыстау облысының «Жас Отан» жастар қанаты, дауыс беругдін маңыздылығын түсіндіріп, жастармен бірнеше кездесулердің өткізді, деді «Нұр Отан» партиясының жаныңдағы «Жас Отан» жастар қанатының төраға орынбасары Аружан Шайденова.
Шараға қатысқандар, ҚР Президентінің кезектен тыс сайлауын халық үшін берері көп екендігін, және елдегі Елбасының бейбітшілік пен бірлікті ұстанымына әрдайым қолдау білдіретіндіктерін жеткізді.
