Аймақтар • 03 Мамыр, 2019

Жатақхана құрылысы жанданды

807 рет көрсетілді

Жуырда Оңтүстік Қазақ­­­­­­стан мемлекеттік педа­­гоги­калық университеті фи­лология фа­­куль­­­­теті­нің білімгерлеріне ар­нал­ған 350 орындық 4 қа­бат­ты Студенттер үйі пай­да­лануға берілді. Осы­лай­ша іргелі оқу ор­­нының сту­дент­­­­тері Елба­сы бас­та­ма­сының нәтиже­лі жүзе­ге асы­­рылып жатқаны­на көз жет­кізді.

Әлемдік стандарттарға сай білім беру жүйесін қалыптастыра отырып, студенттердің білім алуы­­­на және тұратын жеріне жағ­дай жасауға тиісті назар­­ ауда­ру қа­жет­тігі Елбасы Н.Назар­баев­­тың «Президенттің бес әлеу­меттік бастамасы» атты Үн­­­деуінде айтылған болатын. Жоғары оқу орындары мен кол­ледждердің студенттерін жа­тақханамен қамта­­­­­масыз ету мә­селесін шешу үшін білім ордалары мен девелоперлік компаниялар мемлекет пен жеке­меншіктің серіктестігі қағи­дасы­­мен жатақхана салуды бастауы керектігі де үндеуде айтылды. Осы орайда ОҚМПУ ректоры Оңалбай Аяшев құрылысы аяқталмай қалған, сәулеті жаңа үлгідегі төрт жұлдызды қонақ- үйге орайластырылып салынған нысанды жастардың игілігіне жаратты. Алдымен нысанның жай-күйін шұғыл анықтап, ин­­вес­торлармен келісімдер жүр­гіз­­ген ректор құжаттарды та­лапқа сәйкестендірді. Сөйтіп, жа­тақхана жобасы дайындалып «Қаржы орталығы» акционерлік қоғамымен келісімшарт жасалынды. Соның нәтижесінде өте қысқа мерзімде сәулетті ғимарат құ­рылысы толығымен аяқталып, студенттердің пайдалануына бе­­рілді. Заманауи талаптарға сай, материалдық-техникалық ба­засы жоғары деңгейдегі жа­тақ­­хананың кітапханасы мен оқу залы, демалыс бөлмелері, ме­­дициналық пункт, басқа да қажетті бөлмелері студенттердің сабақтан тыс уақытын тиімді өткізуіне мүмкіндік жасайды.­ Осыдан төрт жыл бұрын, яғ­ни 2015 жылы 12 қабатты Сту­денттер үйін пайдалануға берген Оңтүстік Қазақстан мем­лекеттік педагогикалық уни­вер­ситеті жатақханаға мұқ­таж әр­бір студентті жайлы орынмен қамту мақсатында нақты жос­пар жасап, жүзе­ге асыру жол­да­рын да айқын­даған. Бүгінде ун­иверситет­ студенттерінің 70 пайыз­дан астамы жатақханамен қамтылған. За­ман талабына сай жабдықталған жатақханада тұру бақыты алдымен оқу үздіктеріне бұйырады. Әрине мұқтаж сту­дент­тердің әлеуметтік жағ­да­йы да ескеріледі. Сондай-ақ шет­елдерден келгендер жай­ғас­тырылады. Студенттер үйін­де жастарға қажетті жағ­дай­дың бәрі жасалған. Әр жатын бөлме екі студентке лайықталған жатақ­ха­­­­­нада кітапхана, асхана, арнайы ме­дициналық каби­нет, химиялық тазарту, тағы бас­қа қызмет көрсету бөлімдері жұ­мыс істейді. Оған жастардың бос уақытын тиімді пайдалануы ескерілген дефиле, айтыс, эстрада, фольклорлық аспаптар, бейнелеу өнері, вокал, сәндік өнер, ұлттық аспаптар жасау, тігін, компьютер, тағы басқа үйірмелерді қосыңыз. Жастар алысқа бармайды, барлығы Студенттер үйінен табылады.

Қазіргі таңда Шымкенттегі 11 жоғары оқу орны, 37 колледж­де 123 мың студент білім алу­да. Қалада студенттерге ар­нал­­ған 39 жатақхана бар. Сол жа­тақ­­ханаларда 7600 студент тұ­рады. Тиісті орындармен жүр­­­­­­­­гізіл­ген жұмыстар нә­ти­же­­сінде тағы 8400 орын­дық­ жа­­тақ­­­­хана қа­­жет екені анықтал­ған. Осы орай­да Шымкенттегі жа­­­­тақхана ор­нының қажеттілігін жою бойынша әкімдік тарапы­нан «Тұран» шағын ауданынан 8 гектар жер учаскесі белгі­ле­­ніп, «Shymkent» әлеуметтік кә­сіпкерлік корпо­рациясының ин­­вестициясы есе­бінен «Отау СТРОЙ» компа­ниясымен бір­лесіп, 5 мың орын­­дық жатақ­хана салу жоспарланып отыр. Сондай-ақ жеке кә­сіпкерлер арқылы 200 және 350 орындық жатақхана салу үшін Білім және ғылым министрлігінің «Қар­жы орталығы» акционерлік қо­ғамымен келісімшарт түзіліп, құрылыс жұмыстары басталған. Әкімдік 2021 жылдың соңына дейін студенттерді 100% жатақ­ханамен қамтуды көздеп отыр, соған дейін Шымкентте 8 мың орынға жететін жатақхана салынады. Жергілікті әкімдік 5 мың орынға арналған жатақхананы, ал 3 мың орынға арналған нысандарды университеттер мен кәсіпкерлер тұрғызбақ. Ал ОҚМПУ ұжымы алдағы тамыз айында 6 қабатты 200 орындық Студенттер үйін пайдалануға беруді жоспарлап отыр.


ШЫМКЕНТ

Соңғы жаңалықтар

Доллар бағасы тағы арзандады

Экономика • Бүгін, 11:30

Күлше қыз

Театр • Бүгін, 09:25

Гүлдердің сырын ұққан...

Өнер • Бүгін, 09:24

Қалдықты кәдеге жаратты

Аймақтар • Бүгін, 09:22

Ақылы автожол көбейді

Қазақстан • Бүгін, 09:18

Digital теңсіздік

Технология • Бүгін, 09:14

Ұқсас жаңалықтар