Сайлау • 04 Мамыр, 2019

Президент сайлауына үшінші кандидат тіркелді

967 реткөрсетілді

Бүгін Орталық сайлау комиссиясының төрағасы Берік Имашевтың төрағалығымен комиссия отырысы өтті. Онда 2019 жылғы 9 маусымға тағайындалған Қазақстан Республикасы Президентінің кезектен тыс сайлауында Амангелді Таспиховты Қазақстан Республикасы Президенттігіне кандидат ретінде тіркеу туралы қаулы қабылданды. Бұл туралы Орталық сайлау комиссиясының баспасөз қызметі хабарлады.

Аталған қаулы жобасын таныстырған Орталық сайлау комиссиясының хатшысы Сәбила Мұстафинаның айтуынша, президенттікке кандидат Амангелді Таспихов Алматы мен Шымкенттен басқа еліміздің 15 өңірінен 122 770 азаматтың қолын жинаған. Тексеру нәтижесінде 119 577 расталған қол анықталды. 

Сонымен қатар А.Таспихов  кандидат ретінде тіркелу үшін Орталық сайлау комиссиясына өзінің  кірістері мен мүлкi жөнінде декларация, тіркеуге кедергі келтіретін аурулардың жоқтығы туралы медициналық қорытынды тапсырған. Осыған қарай ОСК Қазақстан Республикасы Президентінің кезектен тыс сайлауында Амангелді Таспиховты Қазақстан Республикасы Президенттігіне кандидат ретінде тіркеу туралы қаулы қабылдады. 

«2019 жылғы 9 маусымға тағайындалған Қазақстан Республикасы Президентінің кезектен тыс сайлауында Амангелді Таспихов Қазақстан Республикасы Президенттігіне кандидат ретінде тіркелсін; Президенттікке кандидат Амангелді Таспиховқа тиісті куәлік берілсін; Президенттікке кандидат Амангелді Таспиховтың «Халықтық Жинақ Банкі» акционерлік қоғамына арнайы уақытша шот ашу үшін тіркелуі туралы мәліметтер берілсін; бұқаралық ақпарат құралдарында Қазақстан Республикасы Президенттігіне кандидат Амангелді Таспиховтың тіркелгені туралы хабарлама жариялансын», делінген ОСК қаулысында.

Бұдан әрі Орталық сайлау комиссиясының мүшелері қаулы жобасына дауыс беріп, құжат бірауыздан қабылданды.  Осыдан кейін ОСК төрағасы Берік Имашев президенттікке кандидат Амангелді Таспиховқа тиісті куәлікті табыс етті.

Баннер
Соңғы жаңалықтар

Түркістан – жастар қаласы!

Аймақтар • 21 Қыркүйек, 2019

Музейді түнде тамашалау да бір ғанибет

Руханият • 21 Қыркүйек, 2019

«Оңай» картасы қымбаттайды

Қоғам • 21 Қыркүйек, 2019

Оралда 4 велосипед ұрлаған ұры ұсталды

Аймақтар • 21 Қыркүйек, 2019

Орал қаласында Абай оқулары өтті

Әдебиет • 21 Қыркүйек, 2019

Импорттан не ұттық?

Экономика • 21 Қыркүйек, 2019

Лисаковтың «Бәйтерегі»

Аймақтар • 20 Қыркүйек, 2019

Гобелен – текті өнердің туындысы

Руханият • 20 Қыркүйек, 2019

«Мәдени қабат» жойылған жоқ

Қоғам • 20 Қыркүйек, 2019

Шахмардан тербелген талбесік

Руханият • 20 Қыркүйек, 2019

Ұқсас жаңалықтар