Жәрмеңкеге 77-ден астам ауыр шаруашылығы тауар өндірушілері қатысты. Олар құны 116 млн теңгені құрайтын 365 тонна өнімді саудаға шығарды. Оның ішінде ет және ет өнімдері – 81 тонна, сүт өнімдері – 29 тонна, балық 5 тоннаны құрайды. Облыстан келген отандық өнімдер базар нарқынан 10-15 пайызға арзан бағамен ұсынылды. Айта кетерлігі, Халықаралық балаларды қорғау күнімен тұспа-тұс келген жәрмеңкеде 16 жасқа дейінгі балаларға Түркістаннан келген балмұздақ тегін таратылды.
Биыл ауыл шаруашылығы саласында оң үдеріс байқалып, жалпы құны 89 млрд теңгені құрайтын 480 жоба іске асса, өңірдегі дәнді дақылдар 9,8 мың гектарға артық егілген. Белгілі болғандай, Түркістан облысындағы ауыл шаруашылығы өнімдерінің жалпы көлемі 619 млрд теңгеге жетеді деген жағымды болжам бар.
