Сайлау • 13 Маусым, 2019

Әкім Тарази: Ақылмен шешкен абзал

308 реткөрсетілді

Қазақ халқы тағы да бір белеске қадам басты. Дәл осы сөзді айта салу бір қарағанда жеңіл сияқты болғанымен, оның астарында қаншама жылдардың зіл батпан салмағы жатыр.

Өз басым еш нәрсеге жеңіл-желпі қарай салатын адам емеспін. Тіпті журналист сұрақ қойса да «қиын сауалдар қойса, ойлантса, қиналтса» деп тұрамын. Жазушы өзі өмір сүрген қоғамының қыр-сырына әбден үңілмесе, жанын жеп, қиналмаса одан оқырманды ойлантар, тереңге тартар шығарма шықпайды. 

Билік те солай. Біреулер ойлайды, басқару, бастық болу оңай деп. Ол биліктің ыстық-суығын бастан кешпеген адамның ойы. Біреуге үлкен бір жауапты тапсырма жүктелерде ең алдымен «ол одан бұрын не тындырды?», «нені үйлесімді атқара алды?» деген сұрақтар туындайды ғой, міне, соған лайықты жауап болса ғана істі сеніп тапсыруға болады. Өз басым оншақты жыл киногерлер одағын басқардым. Шыны керек, түн ұйқың төрт бөлінер сәт аз болған жоқ. «Мына жиналысты дұрыс ашпадым ба, анау актерді ол рөлге бекіткенім жөн болмады ма, біреудің жігерін жасыттым ба, біреуді артық мақтадым ба»,  деп уайымдайсың. Бұл енді жүз адам төңірегіндегі уайым ғой. Ал тұтас мемлекеттің ісіне жауапты ең басты адамның басындағы ой мен уайым қандай болмақ? Қиын, әрине. Оған көбіміз бас қатырып жатпаймыз. Бірақ бәріміздің ойымыздағы болса дейміз.

Сөзімнің басында айтқан бүгінгі белеске жету жолында қазақ халқы аз тер төккен жоқ. Тәуелсіздіктің отыз жылы өте күрделі кезең болды. Аспанға ұшатын ракетаның негізгі күш-қуаты жерден көтерілген аз ғана сәтке жұмсалады екен ғой, Нұрсұлтан Әбішұлы Назарбаев басқарған уақыт сондай кезең болды.

Ел басқару үшін бірінші көреген, философ болуың керек, сосын аса төзімділік қажет. Екі жақтағы көр­шілерімізбен тіл табысып, мүм­кіндіктің барынша мемлекет мүддесін қорғауға мықты жүйке керек. Нұр­сұлтанның ерлігі деп айтам, соның бәрін ақылмен, сабырмен ең­серді. Туған халқымен тіл табыса білді. Ел мен Елбасының көзге көріне бермес үйлесімі арқасында осындай күнге жетіп отырмыз. Қазіргі сайланған Президент Қасым-Жомарт Тоқаевта да осындай қасиет бар.

Ел болған соң мәселе тумай, қиын­дық болмай тұрмайды. Оны ақыл­мен, жүйелі тәртіппен шешу керек. Бұқараның шаруасына шекеден қарап, шертиіп тұратын заман емес қазір. Бюрократия халықтың ызасын тудырады. Ісін ілгері бастырмайды. Әр ауылдың әкімі әр отбасымен әсіресе, қиыншылығы бар отбасылармен жеке жұмыс жасауы керек. Тыңдай білуі тиіс. Ұсынған жұмысын істемесе, бас тартса оны ай, күн, сағатымен жазып қойсын, «жұмыс жоқ» деп шу шығарса, «бері кел» деп көрсетсін көзіне.

Талабын дұрыс әрі заңды айтқан жұртқа жұдырығын көрсетіп, шоқ­парын ала жүгіруге болмайды. Аудан, қала әкімдері өздері, орынбасарлары, тағы да басқа қызметкерлер халықтың шын жағдайын, шын тілегін әбден тыңдауы, білулері керек. Бір-бірін жазғыра салу оңай. Ол – мәселені шешер жол емес. 

Табысқа жететін халық та жеке адам секілді өз-өзін жеңуі керек. Жал­­қау­лығын жеңуі керек, дүрмек­шілдігін жеңуі керек, «пәлен сондай екен десін» деген пайдасыз мақтаннан өзін жеңуі керек. Атқарушы билікке сауатты, сал­мақты талаптары мен ұсы­ныстарын да айта білуі тиіс. Сонда халық бәрін жеңе­ді. Жаңа сайланған Пре­зидент халықты сол жеңіске бас­тайды деп сенемін!

 

Әкім ТАРАЗИ, 

жазушы-драматург, 

Мемлекеттік сыйлықтың лауреаты
Соңғы жаңалықтар

Абай дүкені – Бельгияда

Руханият • Кеше

Ең қысқа әңгіме. Риза Исаева

Ең қысқа әңгіме • Кеше

Ең қысқа әңгіме. Дәурен Дариябек

Ең қысқа әңгіме • Кеше

Ең қысқа әңгіме. Назерке Саниязова

Ең қысқа әңгіме • Кеше

Ең қысқа әңгіме. Ақылбек Шаяхмет

Ең қысқа әңгіме • Кеше

Ең қысқа әңгіме. Еркеғали Бейсенов

Ең қысқа әңгіме • Кеше

Ең қысқа әңгіме. Көгедай Шәмерхан

Ең қысқа әңгіме • Кеше

Ең қысқа әңгіме. Жасұлан Серік

Ең қысқа әңгіме • Кеше

Ең қысқа әңгіме. Ақжол Қалшабек

Ең қысқа әңгіме • Кеше

Ең қысқа әңгіме. Нұрбек Нұржанұлы

Ең қысқа әңгіме • Кеше

Күлкі керуені № 7

Руханият • Кеше

Жақсы дәстүр жалғасады

Руханият • Кеше

Игілікті еңбек иесі

Қоғам • Кеше

Кедергісіз келешек

Қоғам • Кеше

Ұқсас жаңалықтар