Руханият • 20 Маусым, 2019

Абыройы асқақ азамат

139 реткөрсетілді

М.Қозыбаев атындағы СҚМУ-дың ұйымдас­тыруымен белгілі жазушы-журналист, қоғам қайраткері, облыстың құрметті азаматы Жарасбай Сүлейменовтің 70 жылдық мерейтойына арналған «Журналист. Қайраткер. Қаламгер» атты дөңгелек үстел өтті.

Саналы ғұмырының жарты ғасырға жуығын журналистика саласына арнап келе жат­қан Ж.Сүлейменовті рес­пуб­лика жұртшылығы мағжантанушы ретінде де жақсы біледі. Қазақстан Жа­зушылар одағының об­лыстық филиалының төр­ағасы, «Мағжан» әде­би-көркем көпшілік жур­налының бас редакторы, «Қы­зылжар-Ақпарат» ЖШС-ның директоры ре­тінде Алты алаштың ақиық ақынының өмірі мен шығармашылығы ту­ра­лы қазақ, орыс тіл­дерінде бірнеше жи­нақ, энциклопедия шығар­ды. «Қожаберген», «Мәң­гі­лік елдің мәңгілік мақ­танышы», «Дауылпаз баба Қожаберген» кітап­тарын баспаға әзірледі. Ондаған әңгіме мен повесть, эсселер жи­нақ­тарының авторы.

Алқалы басқосуды ғы­лым және инновация­лар жөніндегі проректор, тарих ғылымдарының док­торы Ақмарал Ыбы­раева жүргізіп, алғашқы сөзді Л.Н.Гумилев атын­дағы Еуразия ұлттық универ­ситетінің профессоры Се­­рік Негимовке берді. Та­ны­мал ғалым Жарасбай Қабдоллаұлының бір бо­­йына тоғыстырған аза­маттық қасиеттері ішінен Парламент Мә­жілісінің депутаты болған кезеңде тіл, діл үшін болған күресте ар-намыстан таймаған мақсаткерлік, рухани биік, ойы терең болмысын даралап айтты. Филология ғылымдарының докторы Зинаида Табакова, қазақ филологиясы ка­фе­дра­сының меңгерушісі Жанбай Қадыров, бала кезден бергі досы, ақын Тоқтар Зікірин, ауылдасы Балдырған Ілиясов, шәкірті, «Солтүстік Қазақ­стан» газетінің бас редакторы Ербақыт Амантай, тағы басқалары ел сені­міне лайық тұлғаның шы­ғармашылығы, жас жур­налистерге берген өнегесі мен тәлімгерлік қамқорлығы жайлы кеңі­нен толғана сыр шертті. Журналистика бөлімінің түлектері жазушының әңгі­мелерін мәнерлеп оқып, құлақ құрышын қан­дырды.

Ғылыми кеңестің ше­ші­мімен Жарасбай Қаб­дол­лаұлына «Құрметті про­фессор» ата­ғы берілді.

 

Солтүстік Қазақстан облысы

Соңғы жаңалықтар

Абай дүкені – Бельгияда

Руханият • Кеше

Ең қысқа әңгіме. Риза Исаева

Ең қысқа әңгіме • Кеше

Ең қысқа әңгіме. Дәурен Дариябек

Ең қысқа әңгіме • Кеше

Ең қысқа әңгіме. Назерке Саниязова

Ең қысқа әңгіме • Кеше

Ең қысқа әңгіме. Ақылбек Шаяхмет

Ең қысқа әңгіме • Кеше

Ең қысқа әңгіме. Еркеғали Бейсенов

Ең қысқа әңгіме • Кеше

Ең қысқа әңгіме. Көгедай Шәмерхан

Ең қысқа әңгіме • Кеше

Ең қысқа әңгіме. Жасұлан Серік

Ең қысқа әңгіме • Кеше

Ең қысқа әңгіме. Ақжол Қалшабек

Ең қысқа әңгіме • Кеше

Ең қысқа әңгіме. Нұрбек Нұржанұлы

Ең қысқа әңгіме • Кеше

Күлкі керуені № 7

Руханият • Кеше

Жақсы дәстүр жалғасады

Руханият • Кеше

Игілікті еңбек иесі

Қоғам • Кеше

Кедергісіз келешек

Қоғам • Кеше

Ұқсас жаңалықтар