Аймақтар • 15 Шілде, 2019

Алматы қаласының әкімдігі жарықтың өшіп қалу себебін түсіндірді

340 рет
көрсетілді
1 мин
оқу үшін

Алматы қалалық Энерготиімділік және инфрақұрылымдық даму басқармасы тұтас қаланың жарықсыз қалуының себебін түсіндірді. Бұл туралы ҚазАқпарат хабарлады.

Алматы қаласының әкімдігі жарықтың өшіп қалу себебін түсіндірді

«Бүгін 14:14-те «Алматыэнергосбыт» АҚ ЖЭС-2 стансасының қайнар көзінде ақау болды. Соның кесірінен қаланың көп бөлігі электр қуатынсыз қалды. Қазіргі таңда ЖЭС-2 нысанында КЛ-220 кВ бойынша жарық берілді. Қаланы қоршаған сыртқы шеңбер бойынша KEGOC 220 кв желісінде қаланы электр желісіне қосу процесі жүріп жатыр. Бұл нысанды қайта қосуға 1-1,5 сағат уақыт кетеді», деп мәлімдеді қалалық Энерготиімділік және инфрақұрылымдық даму басқармасынан. 

Қаланың барлық аудандары кешкі сағат 17:00-де электр энергиясына толық қосылатын болады. Қазіргі таңда қаладағы барлық бағдаршамдардың жұмысы реттелді. Көшелердегі жол қозғалысын реттеуге 400-ден астам жол-партульдік полиция қызметкері шықты. 

Арнайы жұмыс тобы апаттың себебін анықтап жатыр.

Соңғы жаңалықтар

Су үнемдейтін қондырғы

Технология • Кеше