17 тамызда Жәнібек Әлімханұлы кезекті жекпе-жегін өткізеді

«Жекпе-жек уақыты белгілі болды. Қазақ стилін тағы бір көрсететін сәт туды. Қарсылас осы аптада анықталады. Жеңісте жүздесейік!», - дейді Жәнібек Әлімханұлы. 

Айта кету керек, 13 сәуірде Жәнібек Әлімханұлы (4-0, 1 КО) алғашқы титулдық айқасын өткізген еді. АҚШ-тың Лос-Анджелес қаласында болған жекпе-жекте ол Кристиан Оливаспен (16-4, 13 КО) жұдырықтасып, жеңіске жетті. Қазақстандық боксшы орта салмақтағы WBO Global және WBC Continental Americas белбеулерін иеленді.