Аймақтар • 11 Қыркүйек, 2019

Мәселелерді шешудің тиімді жолдары ұсынылған

67 реткөрсетілді

Қазақстан Республикасының Президенті Қасым-Жомарт Тоқаев «Сындарлы қоғамдық диалог – Қазақстанның тұрақтылығы мен гүлденуінің негізі» атты алғашқы Жолдауын ұсынды. Бұл жолдау «Мәңгілік ел» бағдарламасын жүзеге асыруға арналған іс-шараның жалғасы екеніне көз жеткізді. Бұл бізді қуантады.

Елбасының алдымен экономиканы жүргізейік, сол кезде әлеуметтік мәселелер де шешілетін болады, осыларды реттеп алған соң саясатқа келеміз деген сөзін өмір көрсетіп отыр. Оған осы жылғы Президент сайлауы кезінде көз жеткіздік. Қазақстан халқы өткір саяси мәселелерді талқылауға белсенді қатысуға дайын екенін көрсетті. Жарысқа түскен саяси партиялар мен қоғамдық қозғалыс өкілдері өз бағдарламалары мен жоспарларын сайлаушылардың на­зарына ұсынды. Нәтижесінде сай­лау­шылардың 80 пайызы дауыс берген болатын. Мұндай көрсеткішке алпауыт мемлекеттер де қол жеткізе алмауда. Өзінің тұңғыш Жолдауын Президент Қасым-Жомарт Тоқаев қоғамдық диалог тақырыбына арнады. «Елдің қоғамдық-саяси өмірін жаңғыртпайынша табысты экономикалық реформаларға қол жеткізу мүмкін емес» екендігін ерекше атап көрсетті. Осыған байланысты көп партиялылықты одан әрі дамыту, қоғамдық келісімді сақтау, халықпен тиімді байланыс орнату, митингілер туралы заңнаманы жетілдіру сияқты мәселелерге баса назар аударды.

 Президент еліміздегі қоғамдық келі­сімді нығайту мен ұлтаралық байланысты жетілдіретін тіл мәселесіне де ерекше тоқталды. Бұл жөнінде ол: «Еліміз­дегі этностық топтардың тілі мен мә­дениетін дамытуға жағдай жасай бере­міз. Қазақ тілінің мемлекеттік тіл ре­тіндегі рөлі күшейіп, ұлтаралық қаты­нас тіліне айналатын кезеңі келеді деп есептеймін. Бірақ мұндай дәрежеге жету үшін бәріміз даңғаза жасамай, жұ­мы­ла жұмыс жүргізуіміз керек», деп атап көрсетті.

Президент өз Жолдауында сот пен құқық қорғау жүйесін жетілдіруге, биз­нес­ті дамытуға, қаржы ресурстарын дұрыс бөлуге, халыққа әлеуметтік қолдау көр­сетуге, ел аймақтары арасындағы тең­сіз­дікті жоюға және басқа да халықты тол­ғантып жүрген мәселелерге ерекше көңіл бөледі. Тіпті нақты мысалдар келтіріп, проблемаларды шешудің тиімді жолдарын да ұсынып отыр. Мысалы, «7-20-25» бағдарламасымен пәтер алатын жанның айлық табысы 320 мың теңгеден кем болмауы керек көрінеді. Жағдайы төмен жандар оған қол жеткізе алмайды. Сондықтан осы жылдан бастап «Бақытты отбасы» жаңа бағдарламасы іске қосылған, ол кезде ай сайынғы төлем 2% және алғашқы жарна 10%-ды құ­рай­тын көрінеді. Бұл, әрине әлдеқайда тиімді.

Білім беруге бұрынғыдай мемлекеттің да­муындағы стратегиялық рөл беріледі. Оқу­лықтардың сапасы және қала мен ауыл мектептерінің білім берудегі алшақ­ты­ғы айтылды. Сондай-ақ Президент жас мамандарды ауылға жіберудің меха­низімдерін ойластыру керек екенін атап өтті. Жоғары оқу орындары жұмысының сапасын және ғылыми-зерттеулердің тиім­ді­лігін арттыру мәселесіне де тоқталды.

Бұл Жолдаудың тағы бір ерекшелігі, ол қоғам мен биліктің өзара ықпалдасқан іс-қи­мылының осы түрі неғұрлым тиімді еке­нін ескертіп, азаматтарды ашық диа­лог­қа шақыруы. Президент шешімін күтіп тұрған мәселелерді де ашық айтып, дәлел келтіре отырып сынады да. Мысалы, кейінгі 5 жылда атаулы әлеу­мет­тік көмекті қажет ететіндер 77 мың адамнан 1,4 млн адамға жеткендігі және оған бөлінетін қаржының да 2017 жылдан бастап 17 есе өскендігін атап өтті.

Осы тәрізді өзекті, шешімін күтіп тұр­ған мәселелердің бар екенін ашық айта келе, оларды шешудің ұтымды жолдарын да ұсынды, бұл халықтың көңілінен шыға­ды деген ойдамын.

Бақытқали МҰСАБЕКОВ,

Қарағанды облыстық  «Рухани жаңғыру» жобалық кеңсесінің бас менеджері

Баннер
Соңғы жаңалықтар

Ұлылар үндескен күн

Аймақтар • Кеше

Күлкі керуені №4

Руханият • Кеше

Ең қысқа әңгіме. Ерғали Бақаш

Ең қысқа әңгіме • Кеше

Ең қысқа әңгіме. Мақсат Мәлік

Ең қысқа әңгіме • Кеше

Ең қысқа әңгіме. Есболат Айдабосын

Ең қысқа әңгіме • Кеше

Ең қысқа әңгіме. Нәзира Жәрімбет

Ең қысқа әңгіме • Кеше

Ең қысқа әңгіме. Алмаз Мырзахмет

Ең қысқа әңгіме • Кеше

Жақсым

Руханият • Кеше

Жол үстінде босанды

Қазақстан • Кеше

Ұқсас жаңалықтар