Қоғам • 16 Қыркүйек, 2019

Қазақстанда өндірістік жарақаттану 13%-ға төмендеді

52 реткөрсетілді

Ағымдағы жылғы 1 қыркүйектегі жағдай бойынша республика кәсіпорындарында 757 жазатайым оқиға болды, салдарынан 848 адам зардап шекті, бұл өткен жылдың сәйкес кезеңінен 13%-ға төмен (2018 жылдың 8 айында – 975 адам), оның ішінде – 95 адам қаза тапты, бұл өткен жылдың сәйкес кезеңінен 28%-ға төмен (2018 жылы - 133 адам). Бұл туралы Еңбек және халықты әлеуметтік қорғау министрлігінің баспасөз қызметі хабарлады. 

Бұл ретте жарақаттанудың өсуі өткен жылдың сәйкес кезеңімен салыстырғанда Жамбыл, Ақтөбе, Ақмола, Алматы облыстарында, сондай-ақ Алматы қаласында байқалады. Павлодар облысында өлім-жітім жағдайларының саны артты.

2019 жылдың бірінші жарты жылдығының қорытындысы бойынша экономика салалары бойынша зардап шеккендердің ең көбі тау-кен металлургия кешені кәсіпорындарында байқалады  – 96 адам немесе 15% және құрылыс саласында – 65 адам немесе 10%.

Кейбір кәсіпорындарда екі және одан да көп жазатайым оқиғалары болғандығын айта кету керек: («АрселорМиттал Теміртау» АҚ – 20, «Қазақмыс корпорациясы» ЖШС – 11 (Қарағанды облысы), «Казцинк» ЖШС – 15, «Шығыстүстімет» ЖШС – 6 (ШҚО), «Екібастұз ГРЭС-1» ЖШС – 3, «Алюминий Казахстана» АҚ – 2 (Павлодар облысы), «ССКӨБ» АҚ - 4, «Баян Сұлу» АҚ - 2 (Қостанай облысы).

«Жазатайым оқиғалардың негізгі себептері: жұмыс өндірісін қанағаттанғысыз ұйымдастыру, қауіпсіз еңбек тәсілдерін оқытудағы кемшіліктер, еңбек қауіпсіздігі және еңбекті қорғау ережелерін бұзу. 2019 жылы 23 мамырда «Астана Су Арнасы» МКК 4 қызметкері метанмен уланып, қайтыс болды. Ал 12 маусым күні Шығыс Қазақстан облысы Зайсан ауданының орталығында екі метр тереңдікте канализациялық құдыққа тазалау жұмыстарын жүргізу кезінде «Зайсан» КМГП-нің үш қызметкері жазатайым оқиғаға ұрынды (метанмен уланған), оның біреуі қайтыс болды, ал екеуі аудандық ауруханаға жатқызылды. Бұл кәсіпорындардың басшылары өңірлік үшжақты комиссиялардың отырыстарында тыңдалып, жарақаттануға жол бермеу бойынша жеке іс-шаралар жоспарын әзірледі», - деп хабарлады Қазақстан Республикасының Бас мемлекеттік еңбек инспекторы Төлеген Оспанқұлов.

Оның айтуынша, Қазақстанда зиянды еңбек жағдайлары бар жұмыс орындарының санын азайту мәселесі өзекті болып отыр.

«Статистика жөніндегі уәкілетті органның деректері бойынша, 2018 жылы еңбек жағдайлары бойынша тексерілген кәсіпорындардың 1,6 млн қызметкерінің 373 мыңы немесе әрбір төртіншісі (22,3%) зиянды және қауіпті еңбек жағдайларында жұмыс істеген. 2018 жылғы аттестаттау нәтижелері бойынша 676 мың қызметкер зиянды еңбек жағдайындағы жұмысы үшін әр түрлі өтемақы алды. Бұл үшін жұмыс берушілерге 116,3 млрд теңге бөлінді, бұл - 2017 жылмен салыстырғанда 8%-ға көп », – деді Т.Оспанқұлов.

2018 жылдың қортындысы бойынша техникалық инспекторлар еңбек жағдайына 70 735 тексеру жүргізді, оның барысында 126 737 ескерту анықталды және жойылды. Республика кәсіпорындарында 14 792 өндірістік кеңес құрылып, жұмыс істеп жатыр.

Жалпы, мемлекеттік органдар мен жұмыс берушілер тарапынан қабылданған еңбекті қорғау саласындағы кешенді шаралар өндірістік жарақаттануды төмендету бойынша оң динамиканы сақтауға мүмкіндік берді.

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Алматы еліміздің мәдени орталығы

Қазақстан • 18 Қазан, 2019

Жаңаөзенде «Баста» форумы өтті

Аймақтар • 18 Қазан, 2019

Алғашқы күні жүлде бұйырмады

Спорт • 18 Қазан, 2019

«Алтын бутса» иесі атанды

Спорт • 18 Қазан, 2019

Тағы овертаймда ұтылды

Хоккей • 18 Қазан, 2019

Жәнияның жұлдызы жарқырады

Руханият • 18 Қазан, 2019

Ұқсас жаңалықтар