Ашылу салтанатында Берік Камалиев «Translogistica Kazakhstan» көрмесі сияқты халықаралық деңгейдегі іс-шараларды өткізу тәжірибе алмасудың, көлік саласының өзекті мәселелерін талқылаудың және өзара тиімді әріптестік қарым-қатынастарды орнатудың бірегей мүмкіндігін беретінін атап өтті.

Биылғы жылы TransLogistica Kazakhstan 2019-ға әлемнің 12 елінен 96 компания қатысуда.

Жыл сайын көрмеге «Қазақстан Темір Жолы» ҰК» АҚ, «KTZ Express» АҚ, «ҚТЖ-Жүк тасымалы» АҚ, «Ақтау халықаралық теңіз сауда порты» ҰК» АҚ, Құрық порты, «KTZE-Khorgos Gateway» ЖШС, «Қорғас – Шығыс қақпасы» арнайы экономикалық аймағы «УК» АҚ, «Ақтау Теңіз Солтүстік Терминалы» ЖШС сияқты ірі компаниялар қатысады.

Биылғы жылы көрменің қатысушылары мен қонақтары үшін 18-20 қыркүйек аралығында өтетін бірегей іскерлік бағдарлама дайындалды.

Биылғы жылы сарапшылар көлік саласын дамыту, жүк тасымалының әлеуеті және көлік инфрақұрылымын жетілдіру, контейнерлік тасымалдар нарығындағы басты үрдістер, нормативтік базаны цифрландыру және жетілдіру, заңнамадағы проблемаларды шешу мәселелерін талқылайды.

TransLogistica Kazakhstan көрмесін жыл сайын Атакент-Экспо және Iteca халықаралық көрме компаниялары Индустрия және инфрақұрылымдық даму министрлігінің, «Қазақстан Темір Жолы» ҰК» АҚ, «KAZLOGISTICS» көліктік және логистикалық ұйымдар мен қауымдастықтар одағы, тасымалдаушылар мен вагондар операторлары қауымдастығының және Ұлттық экспедиторлар қауымдастығының қолдауымен ITE Group (Ұлыбритания) халықаралық әріптесімен бірлесіп өткізеді.