Руханият • 21 Қыркүйек, 2019

Алматыда қайраткер журналист Кәкімжан Қазыбаевқа арналған республикалық мәжіліс өтті

165 реткөрсетілді

Журналист-жазушы, мемлекет жəне қоғам қайраткерi Кəкiмжан Қазыбаевтың туғанына биыл 90 жыл толды. Осыған орай бүгін қара шаңырақ әл-Фараби атындағы Қазақ Ұлттық Университетінде «Кәкімжан Қазыбаев – қайраткер, қаламгер, азамат» атты республикалық ғылыми-практикалық конференция өтті.

Алпысында арғы дүниеге аттанған арда ұлдың елі үшін жасаған еңбегі ерен. Билік қызметте жүргенде де қылышынан қан тамған кеңестік саясаттың қаһарынан именіп қалған жоқ, керісінше халықтың қамын ойлап, пайдалы істерге білек сыбана кірісті. Кәкімжан Қазыбаевтың адамгершілігі, көрегендігі, жазушылық қыры, қайраткерлігі, шығармашылығы мен ұстаздық тағылымы жайлы замандастары мен өмірін зерттеушілер бұрыннан айтып, жазып келеді. Бүгін өткен ғылыми конференция кезінде де өмірі үлгі болар тұлғаның бір келбеті ашылғандай болды.

Н

Ғылыми шараға мемлекет және қоғам қайраткерлері, ақын-жазушылар, журналистер мен шәкірттері қатысты. Тұлға бейнесін таныта түскен іс-шараны қара шаңырақ ҚазҰУ-дың ректоры Ғалымқайыр Мұтановтың өзі жүргізді. Алғысөзін алғыспен бастап, кейінгі сөзін ҚР Президенті Қасым-Жомарт Тоқаевтың арнайы жеделхатына бөлді. Мемлекет басшысы өнегелі өмірі өскелең ұрпаққа үлгі болған Кәкімжан Қазыбаевтың отбасына амандық, бақ-береке тіледі.

Ғылыми-практикалық конференция барысында Кәкімжан Қазыбаевтың өмірі мен шығармашылығына арналған фильм жұрт назарына ұсынылды. Ал ақын, ҚР ҰҒА мүше-корреспонденті Бауыржан Жақып «Кәкімжан Қазыбаевтың жазушылық қыры» тақырыбында баяндама оқып, шығармашылық жолындағы жетістіктері мен тыңнан түрен салған тақырыптарына кеңінен тоқталды.

Қоғам және мемлекет қайраткері, академик Көпжасар Нәрібайұлы Нәрібаев Кәкімжан Қазыбаевтың қайраткерлігі жайлы толғанды. Жазушы, тележурналист Сұлтан Оразәлі болса тұлғаның төрт ерлігін тізіп шықты. Оның ішінде халық жауының қызы болған Орынша Қарабалина-Қазыбаеваны өмірлік жар етіп таңдауының өзі махаббат жолындағы көзсіз ерліктің бірі. Ал Рақымжан Қошқарбаевты насихаттау мен таныту жолындағы ерлігі – бір төбе.

Журналист, жазушы Жанболат Ауыпбаев Кәкімжан Қазыбаевтың шығармашылығы, ізденіс жолы, берген тәрбиесі мен журналистік сабақтастық жайлы сөз қозғады. ҚР ҰҒА академигі, Қазақстанның еңбек сіңірген қайраткері Төрегелді Шарманов тұлғаның азаматтығы жайлы айрықша айта кетті.

Айтулы шараға ҚР ҰҒА-ның корреспендент-мүшеcі, «Егемен Қазақстан» республикалық газеті» АҚ Басқарма төрағасы Дархан Қыдырәлі, генерал-лейтенант Әділ Шаяхметов қатысты.

У

Н

Е

Ғылыми-практикалық конференция соңында Кәкімжан Қазыбаевтың жұбайы Орынша Қарабалина-Қазыбаева сөз алып, ұлттың қамын ойлаған тұлғаның өмір жолы, қызметтегі хикаялары жайлы сыр тарқатты. Барша қатысушылар мен қара шаңырақ ҚазҰУ ұжымына алғысын білдірді. Ұлтын сүйген тұлғаның ұлы, Alash Media Group медиахолдингінің бас директоры Батыр Қазыбаев әкесімен замандас болған тұлғалардың ерлігіне тоқталып, ерекше ілтипатын жеткізді. Сондай-ақ, шара барысында Кәкімжан Қазыбаевтың өмір жолына, шығармашылығына арналған сайтты да (kazybaev.kz) таныстыра кетті.

Жиналған жұрт Кәкімжан Қазыбаев тұлғасын тағы бір қырынан танып қайтты.

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Алматы еліміздің мәдени орталығы

Қазақстан • 18 Қазан, 2019

Жаңаөзенде «Баста» форумы өтті

Аймақтар • 18 Қазан, 2019

Алғашқы күні жүлде бұйырмады

Спорт • 18 Қазан, 2019

«Алтын бутса» иесі атанды

Спорт • 18 Қазан, 2019

Тағы овертаймда ұтылды

Хоккей • 18 Қазан, 2019

Жәнияның жұлдызы жарқырады

Руханият • 18 Қазан, 2019

Ұқсас жаңалықтар