Аймақтар • 03 Қазан, 2019

Үшінші күн стансасы іске қосылды

14 реткөрсетілді

Шет ауданындағы Ақадыр кентінде қуаты 50 МВт болатын күн электр стансасы пайдалануға берілді. Аумағы 125 гектар жерді алып жатқан нысанда қуатты қосалқы стансалар мен 150 мың гелиопанель орнатылған. «Ақадыр» деген атау алған күн электр стансасы Қарағанды облысы әкімдігінің «Kazakh Invest» ҰК» АҚ-мен бірлескен жұмысының нәтижесінде немістің Solarnet Investment GmbH компаниясының жеке инвестицияларына салынды.

Жобалық құны 55 млн еуро болатын күн электр станса­сы­ның ашылу салтанатында сөз сөйлеген облыс әкімінің орынбасары Алмас Айдаров Елбасының Қазақстандағы балама энергия көздерінің үлесін 30%-ға жеткізу жөнін­дегі тапсырмасын орындау ісінде ауыз толтырып айтар нәти­желердің барлығын атап өтті.

– Біз облыста үшінші ірі күн электр стансасын іске қос­­қалы тұрмыз. Бұл жоба өңі­­ріміздің өнеркәсібін дамыту үшін өте маңызды. Күн энер­гиясын дамыта отырып, біз қуат тапшылығын еңсеріп қа­на қоймай, экологиялық мә­се­лелерді де шешуге мүм­кін­дік ала­мыз, – деді ол.

Жаңадан іске асырылған жобаның бас инвесторы Йохим Голдбек «Ақадыр» КЭС-тің өнімділігі сағатына 25 МВт энергияны құрайтынын, алдағы уақытта оның қуаттылығын 76 МВт-қа дейін арттыру жөнінде келісімге қол жеткізілгенін мәлім етті.

– Бұл біздің Қарағанды облысында іске қосып отыр­ған екінші күн электр стансасы. Аталған жобалар неміс инвес­торлары мен облыс әкім­дігінің және «Kazakh Invest» ҰК» АҚ-ның бірлескен жұмы­сы арқылы мүмкін болды, – де­ді бас инвестор.

Биылғы жылдың басында Қарағанды облысының әкімдігі еуропалық инвесторлармен баламалы энергетиканы дамыту жөнінде меморандумға қол қойған болатын. Бүгінгі күн тұрғысынан қарағанда, бұл келісімдер сөзден іске айналып, белгілі бір дәрежеде же­місті нәтиже бере бастады. Мұ­ның өзі алдағы уақытта күн­­нен алынатын энергияның қуа­тын 500 МВт-қа жеткізуге және шетелден 500 млн еуро кө­ле­мінде инвестиция тартуға мүм­кіндік береді.

Негізі, Қарағанды облысын жаңартылған энергия көз­дерін енгізу бойынша елі­міз­де көшбасшы өңірге айналды деп сеніммен айтуға болады. Бұған дейін облыстың Са­ран қаласы мен Гүлшат кен­тінде екі күн электр стансасы салы­нып, қазіргі уақытта олар қалыпты жұмыс істеп тұр. Енді бұл екеуіне «Ақадыр» КЭС-ті қосқанда, өңір бойын­ша өндірілетін «жасыл» энер­гияның жалпы қуаты 200 МВт шамасында болады деген болжам бар.

 Қарағанды облысы 

Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Ұқсас жаңалықтар