Қоғам • 09 Қазан, 2019

Туристік саланың тамырына қан жүгірсе...

47 реткөрсетілді

Президент Қасым-Жомарт Тоқаев «Сындарлы қоғамдық диалог – Қазақстанның тұрақтылығы мен өркендеуінің негізі» аталатын Қазақстан халқына арнаған Жолдауында: «Экономиканың маңызды саласы ретінде туризмді, соның ішінде эко және этнотуризмді дамытуға баса назар аудару керек.

Алтын Орданың 750 жыл­дығын біздің тарихымызға, мәдениетімізге, табиғатымызға туристердің қызығушылығын арттыру мақсатында атап өтуі­міз қажет. Туризмді дамыту үшін қажетті инфрақұрылым­дар құрылысымен, ең алдымен жолмен қамтамасыз ету, сондай-ақ білікті мамандарды даярлау маңызды», деді.

Соңғы бірнеше жыл бойы Батыс Қазақстан өңірінде ішкі туризмді дамыту бойынша қыз­мет етіп жүргендіктен, Прези­дентіміз көтерген керемет идея үшін қатты қуандым. Расында да дұрыс жолға қойса, экономиканы дамытатын көрсеткіштің бірі – осы туризм.

Мемлекет басшысы инфра­құрылымды дамыту туралы айтты. Біздің Батыс Қазақстан облысында әлі күнге асфальт жетпей жатқан екі өңір – Жәнібек және Бөкей ордасы аудандары бар. Екеуі де туристік әлеуеті өте жоғары өңір. Бөкей ордасында әйгілі Хан ставкасы – Жалпыұлттық киелі нысандар қатарына енген Бөкей ордасы тарихи-музей кешені бар. Осы өңірге жол құрылысы басталғанымен, әлі қарқынды емес. Сондықтан Президент­тің Жолдауы осы жол құрылысы­на да белсенділік әкеледі деп үміттенемін. Жол салынып бітсе, облыс экономикасының дамуына септігін тигізер еді деген ойдамын.

Шынын айтсақ, Батыс Қазақ­­стан облысында турис­тер­ді қызықтыратын тарихи-таби­ғи нысандар көп. Амал не, ол жерлерде «жұм­сақ» инф­рақұрылым: жол сілте­мелері, әжетхана, автокөлік тұрағы, бөліп жинайтын қоқыс орны, су, т.б. жоқ. Ең бастысы, жана­шыр қожайын жоқ. Әрине қа­ғаз жүзінде қожайын бар, бірақ барсаң, ешкім жоқ.

Мысалы, Ақжайық өңірін­дегі ең әйгілі Шалқар көлін алайық. Жаз бойы көл жағасын­да құрылған киіз үй, шатыр­дың саны бірнеше жүзден асып кет­ті. Яғни, қызмет көрсетуші де бар, тынығушылар да бар. Бірақ көл жағасына келген турис­ке қызмет көрсетушілер арнайы білім алмаған, әркім өз білгенінше жүр. Сондықтан да бұл қызмет тиісті деңгейде емес. Біз Шалқар көлі бойынша өз жобамызды Теректі ауданы әкімдігіне ұсындық: арнайы мамандарды шақырып, көл жағасына келген халыққа қыз­мет көрсетуші Сарыөмір ауылы­ның тұрғындарын ауыл туризмі бо­йынша оқытып, сертификат беру керек. Бұған қоса Шалқар көлінің жағасын спорт аймағы, автотұрақ аймағы, сауда-саттық аймағы, демалу аймағы деп түрлі санатқа бөлу; жағажайға жарық, су, өткізу; әрбір қызмет көрсетушіге тұрақты жер телімін төмен қаржымен жалға беру; су бойында 500 метрлік қорғау аймағын сақтау секілді мәселелер күн тәртібінде тұр. Аудан әкімдігі бұл жобаны қолдайды деп ойлаймыз. Міне, осы мәселелер жолға қойылса, Шалқар көлі үлгілі демалыс орнынан айналар еді. Бұл жерді тек жазда емес, қыста да пайдаланып, «Қансонар» байқауын өткізу, шана, шаңғы спортын дамытып, белсенді демалыс аймағына айналдыру жөнінде жобамыз да бар.

Айтпақшы, Президент өз сөзінде Қазақстан ішіндегі ұшақ билетінің өте қымбат болуын сынады. Егер жол құны төмендесе, бұл да қазақ­стан­дықтардың қарым-қатынасын дамытуға, яғни туризмге қосал­қы тыныс беруге ықпал етер еді.

Сондай-ақ Мемлекет басшы­сы көтерген шағын кәсіпкер­лікті салықтан босату мәселесі – бизнестің дамуына орасан зор ықпал ететін үлес деп ойлаймын. Соңғы кездері Ақжайық өңірінде бас біріктіре бастаған қолөнер шеберлері осы жаңалыққа ерекше қуанып жатыр. Жоғарыда айтылғандардың бәрі жүзеге асса, мемлекеттің мүмкіндігін арттыратын маңызды саланың тамырына қан жүгірер деген ойдамыз.

 

Айболат ҚҰРЫМБАЕВ,

«Tourwestkaz» тобының жетекшісі

 

Батыс Қазақстан облысы

 

Баннер
Соңғы жаңалықтар

Нұрлыбектің домбырасы

Руханият • Бүгін, 12:13

«ХАТ ҚОРЖЫН»

Қазақстан • Бүгін, 12:01

Күлкі керуені

Руханият • Бүгін, 11:14

Екі қола медаль еншіледі

Бокс • Бүгін, 09:57

«Барыстың» қарқыны қатты

Хоккей • Бүгін, 09:52

Кипрді де жеңе алмадық...

Футбол • Бүгін, 09:51

«Қара алтынды» қапысыз ағызған

Қазақстан • Бүгін, 09:44

Қыз әулие

Руханият • Бүгін, 09:34

Қайталанбас қымыз дәмі

Қазақстан • Бүгін, 09:33

Рухани жаңғырған ауыл

Руханият • Бүгін, 09:28

Екіжақты келісімге қол қойылды

Қазақстан • Бүгін, 09:26

Тәлім мен тәжірибе ұштасқан ұя

Қазақстан • Бүгін, 09:10

Жамбылдықтардың жарқын жобасы

Аймақтар • Бүгін, 08:36

Түгел түркіні түгендеген

Әлем • Бүгін, 08:20

Кей өңірлерде ауа райы өзгереді

Аймақтар • 12 Қазан, 2019

Ең қысқа әңгіме. Ислам Қабылұлы

Руханият • 12 Қазан, 2019

Сенаторлар сенбілікке шықты

Қазақстан • 12 Қазан, 2019

Ұқсас жаңалықтар