Әдебиет • 10 Қазан, 2019

Халықаралық байқаудың жүлдегері

25 реткөрсетілді

Белгілі жазушы-драматург, Қазақстанның еңбек сіңірген қайраткері Жолтай Әлмашұлы Ресей Федерациясының «Золотое Перо Руси» ұлттық әдеби сыйлығының Бисер Киров атындағы күміс жүл­десімен марапатталды.

Біраз жылдан бері өткізіліп келе жатқан бұл ұлттық әдеби байқауға дүние жүзінің қаламгерлері өз шығармаларымен қатыса алады. Биыл да өте көп шығармалар түсіп, талқыға салынған.

Міне, солардың арасынан қазақ қаламгерінің «Вечная элегия» атты орыс тілінде жарық көрген әң­­гімелер жинағы «Руханият» но­минациясы бойынша ерекше ата­лып, күміс жүлдеге лайық деп табылды.

Мұны тек қарымды қаламгердің шығармашылық жетістігі ғана емес, бүкіл ұлт әдебиетінің мәртебесі деп атаған орынды болар.

Айта кететін бір жайт, бай­қауға 70 елден 30 мыңға жуық адам қатысқан.  Олар – түрлі номинация­лар бойынша еңбектерін жолдаған ақын-жазушылар, журналистер, сықақшылар, тарихшылар, экологтар, аудармашылар, ғалымдар. Сонымен қатар қазылар алқасы құра­мына да жүзге жуық белгілі тұлға­лар тартылған.  Биылғы Ұлттық әдеби байқауға 1 қаңтар мен 15 қыр­­­күйек аралығында келіп түскен туындылар ішінен қазақстандық қаламгерлердің де оза шауып, бәйге алуы жұртшылық тарапынан әдебиет саласындағы айтулы оқиға ретінде бағалануда.

Біз қазақ қаламгерін халықаралық марапатқа ие болуымен шын жүрек­тен құттықтап, алдағы шығар­ма­шылық жұмыстарына сәттілік ті­лейміз!

 

Қаршыға КҮЛЕН

 

Баннер
Соңғы жаңалықтар

Ұлылар үндескен күн

Аймақтар • 18 Қазан, 2019

Футзал: Бүгін жеребе тартылады

Футбол • 18 Қазан, 2019

Күлкі керуені №4

Руханият • 18 Қазан, 2019

Қазақстанда 200 теңгелік тиын шығады

Қазақстан • 18 Қазан, 2019

Ең қысқа әңгіме. Ерғали Бақаш

Ең қысқа әңгіме • 18 Қазан, 2019

Ең қысқа әңгіме. Мақсат Мәлік

Ең қысқа әңгіме • 18 Қазан, 2019

Ең қысқа әңгіме. Есболат Айдабосын

Ең қысқа әңгіме • 18 Қазан, 2019

Ең қысқа әңгіме. Нәзира Жәрімбет

Ең қысқа әңгіме • 18 Қазан, 2019

Ең қысқа әңгіме. Алмаз Мырзахмет

Ең қысқа әңгіме • 18 Қазан, 2019

Ұқсас жаңалықтар