Түйсік
– О, сорлы, кәрілік басқан екен де, – деді екі күн бұрын 55 жасын әдеттегідей соқа басы мерекелеген сүрбойдақ өзге үйірге қарай кісіней тартқан байталды қайырмаған селдір жал жирен айғырды бастырмалата қуып.
Ватцаптағы ауылдың тобынан хабар жетті сол сәтте: «Есенбайдың түнде түсірген келінінің шешесі 1984 жылғы екен». Қайталап оқып, ауылдың жаңа құдағиы мен келінінің қайсы өзінен 20 жас кіші екенін есептеп түсінген он бір жасар айғырдың соңындағы жылқышы тізгін тартып, күнге көзін кіржите түшкірді. «Рас екен!»
Қуаныш Нұрданбекұлы
