Қоғам • 08 Қараша, 2019

Әскери барлаушылар күнін атап өтті

16 реткөрсетілді

Жыл сайын 5 қарашада Қарулы Күштерде әскери бар­лаушылар күнін атап өтеді. Биыл да аталған күнге орай әскери бөлімдерде шаралар өткізіліп, осы саладағы үз­дік­терді анықтады.

Әскери барлаушылардың негізгі мақсаты – әрекеттегі немесе болжамды қарсылас туралы, оның әскери ресурс­тары мен жауынгерлік мүм­кін­діктері, әлемдегі әске­ри ахуал жайындағы мәлімет­тер­ді алу және өңдеу бойынша ке­шенді шараларды орындау.

Әскери барлаушылар ұлт­тық мүддені қорғап, еліміздің қорғаныс қабілетін нығайтуға айтарлықтай үлестерін қосуда. Жыл сайын олардың жұмыс істеу әдістері мен тәсілдері да­му­да, алайда негізгі мақсаты өзгерген жоқ.

Қазақстан Қарулы Күштері ар­найы бөлімшесінің әскери қыз­метшілері тұрақты түрде халықаралық жарыс­тар мен оқу-жаттығуларға қаты­су ар­қылы өздерінің жауынгер­лік дағдыларын жетілдіріп, өзде­рінің кәсбилігін дәлел­деуде. Соң­ғы бірнеше ай­да Қазақ­стан­­ның арнайы бөлім­­ше­лері «Алтын үкі-2019» секілді ха­лық­­­­ара­лық­ жарыс­­тар­­­ына, «Ыс­тық­көл – Аңы­рақай-2019», «Дос­­та­­рым-2019», «Түлкі ­ау­лау­-2019» сынды оқу-жат­ты­ғу­­­лар­ға қатысты. 

Жүктелген міндеттерді шешу үшін барлау телеком­муни­кациялық, ақпараттық және ғарыштық технология­лар саласындағы соңғы әлем­дік жетістіктер негізінде құ­рыл­ған қазіргі заманғы тех­ни­калық құралдармен жаб­дықталған. Барлық уақытта әскери барлау мемлекет тағ­ды­рында маңызды рөл ат­қарып, ұлттық мүдделердің сенімді қорғаушысы болды. Ол тарих беттерінде өзінің бейнесін өзгертсе де, өзінің жауынгерлік мақсатын сақтап қалды.

 

 

Соңғы жаңалықтар

Оқырманмен ой бөлісті

Руханият • Кеше

«Бір сынаған жаманды...»

Аймақтар • Кеше

Ел игілігін еселеген жан

Руханият • Кеше

Теңгенің тегеуріні

Қаржы • Кеше

Сенім капиталы

Экономика • Кеше

Ұқсас жаңалықтар