Әдебиет • 11 Қараша, 2019

Қаламгермен кездесті

28 реткөрсетілді

Тұңғыш Президент – Елбасы кітапханасының музейінде жазушы, журналист, Парламент Сенатының V-VI шақы­рылымдарының депутаты Жабал Ерғалиевпен кездесу өтті.

Кездесуге Қарағанды мемле­кеттік техникалық универ­ситеті, Д.Серікбаев атындағы Шы­ғыс Қазақстан мемлекеттік тех­ни­калық университеті, SILKWAY ха­лықаралық универ­ситетінің, сондай-ақ елордалық жоғары оқу орындарының студенттері қатысты.

Сұлу сөзді кен қазғандай қа­зып, журналистиканың майын ішкен қаламгердің жас буынға айтар өнегесі мен өсие­ті көп еке­ні даусыз. Өмір жолында не­ні темірқазық етті, қан­дай соқ­пақтарды басып өтті, ұстанымы қандай, мақ­сат-мұратына жетті ме – жазу­шының жан сырынан осы сауал­дардың жауабын тап­тық. Тағ­дырының нәзік те ше­тін тұстарына қанықтық. Өт­кен ғасырдағы жүрекке салмақ са­ла­тын ауыртпалықтар бұл отбасыны да жанай өтпепті. Қажы атасының қуғындалуы, әке жүрегіндегі үрей, алты жа­сында анадан айы­рылу – бола­шақ қаламгерді өмір­дегі әділетсіздіктермен кү­ре­су үшін мықты адам боп қа­лып­тасуға итермелеген сияқты. Мо­йымау, қажымау, талмай еңбек ету – жазушының ұстанымы осы.

«Сендер мүмкін адал еңбек­тің өтеуі болмайды деп ойлайтын шығарсыңдар. Бірақ әсте олай емес. Адалдықтың да, адал еңбектің де өтеуі болады. Өмір­де таза жүруге тырысу керек. Таза ойлау керек. Маңдай терді төгіп еңбек ету қа­жет. Сонда жол­­дарың ашылады. Мақсат-мұ­раттарыңа жетесіңдер», деген жа­зушы жас буынға өмірдегі бас­­ты құндылықтар ретінде т­а­залық пен адалдықты насихаттады. Жазушылық пен жур­налистиканың қыр-сырын әңгі­меледі, шығармашылық зерт­ханасының құпиясын ашты. «Жас буын журналистер көп оқып, оқы­ғанын көңілге көп то­қуы қажет. Оқымай жаза беруге де болады. Бірақ тілдің жұтаңдығы, ойдың саяздығы көрінбей тұрмайды», – деді қаламгер.

Кездесу соңында студенттер қаламгердің «Бұлтты түнгі толған ай», «Жолсапар жалғаса береді», «Құлпытастың көз жасы», «Лето без дождя» сынды кітаптарынан құралған көрмені тамашалап, шығармашылығымен танысты.

Соңғы жаңалықтар

Күлкі керуені № 21

Руханият • Кеше

Шағаман батыр

Тарих • Кеше

361 лифт ауыстырылады

Аймақтар • Кеше

Өңірдегі өнегелі іс

Қоғам • Кеше

«Цунамиді» сұлатып салды

Кәсіпқой бокс • Кеше

Астың дәмін келтірген

Аймақтар • Кеше

Сайрайды бұлбұл...

Руханият • Кеше

Ізі айқын, ісі мығым

Қоғам • Кеше

Баға QR кодтар арқылы беріледі

Аймақтар • 08 Желтоқсан, 2019

«Желтоқсаншы» жеткіншек еске алынды

Руханият • 08 Желтоқсан, 2019

Ұқсас жаңалықтар