«22-24 қараша күндері Жапонияның Осака қаласында дзюдодан кезекті әлемдік Grand Slam турнирі өтеді. Дүбірлі додаға әлем чемпионатының күміс жүлдегері Рустам Ибраев (60 келі), Жансай Смағұлов пен Жанболат Бағытбергенов (екеуі де 73 келі), Руслан Мусаев (81 келі), Ерсұлтан Мұзаппаров (90 келі), Айбек Серікбаев (100 келі) және Ерасыл Қажыбаев (100 келіден жоғары) қатысады. Аталған спортшылардың барлығы жарысқа тыңғылықты дайындалды. Осы жарыста спортшыларымызды жеңіспен оралады деп үміттенеміз», деді бас бапкер Айдын Смағұлов.
Сондай-ақ Осака татамиінде ел намысын бұрымды балуандардан Отгонцэцэг Галбадрах (48 келі), Севара Нишанбаева (57 келі) және Зарина Райфова (78 келі) қорғайды.
