Қазақстан • 11 Қараша, 2019

Елорда әкімдігі жарықтың сөніп қалуына байланысты түсініктеме берді

57 реткөрсетілді

Нұр-Сұлтан қаласында жарықтың сөніп қалу оқиғасына байланысты брифинг өтті. 

«10 қараша күні сағат 03:50 минутта 101 қызметіне хабарлама келіп түсті. Алдын ала мәлімет бойынша, Сығанақ көшесі, 12-үйдегі 5 метр электр кабелі жанып жатқаны анықталды. Оқиғаға байланысты арнайы штаб құрылып, аварияны жою жұмыстары белсенді жүргізілді», деді Нұр-Сұлтан қаласы Төтенше жағдай департаментінің өкілі Райымбек Әлімғазыұлы.

Сонымен қатар Нұр-Сұлтан қаласының Отын-энергетикалық кешені және коммуналдық шаруашылық басқармасы басшысы Бәзіл Дүйсенбекұлы дәл қазіргі уақытта қаладағы барлық нысандарға жарық берілгенін жеткізді.

«Арнайы топ екі күн жұмыс істеп, аварияның салдарын толық жойды. Ғимараттар мен көп қабатты кешендердің барлығына электр қуаты берілді. Тек «Бәйтерек» монументі мен Москва бизнес орталығы жарты сағаттан кейін электр қуатына қосылады», деді Бәзіл Дүйсенбекұлы.

Айта кетейік, кабельдік желілерді қалпына келтіру үшін 15 адамнан тұратын авариялық-қалпына келтіру бригадасы мен 8 арнайы техника жұмылдырылған.



Соңғы жаңалықтар

Маңғыстауда «Жыл адамы - 2019» анықталды

Аймақтар • 14 Желтоқсан, 2019

Ақтауда тұрғын үй пайдалануға берілді

Аймақтар • 14 Желтоқсан, 2019

Атыраулықтар тағы да үздіктер қатарында

Аймақтар • 13 Желтоқсан, 2019

Ұқсас жаңалықтар