Аймақтар • 12 Қараша, 2019

Түрленіп, түлеген Түркістан

23 реткөрсетілді

Қазақстан Респуб­ли­ка­­сының Тұңғыш Пре­зи­денті – Елбасы Нұрсұл­тан Назарбаевтың бастамасымен қолға алынған іргелі шаралардың бірі ретінде Түркістан қаласын облыс орталығына айналдыру арқылы оның мәртебесін көтеру, шаһарды одан әрі заман талабына сай өркендету ісін айтуға болады. Бүгінде осы бағытта атқарылып жатқан жұмыстардың кең ауқымына ел куә әрі разы.

Ынтымақ мекені ретінде танылары анық

Тұңғыш Президентіміз Нұр­сұл­тан Назарбаевтың бас­­та­­масымен көркейіп келе жат­­қан Түркістан бүкіл түркі әле­мі­нің орталығына айналу мақ­са­­тында дамуда. Бұл орайда Ел­ба­­сы­ның: «Түркістан қаласы – түр­кі дүниесіне ортақ мәдени орда. Сондықтан түркітілдес елдер де Түркістанның гүлденуіне өзіндік үлестерін қосатын бола­ды. Рухани шаһар осылай­ша­ түркі әлемі елдерін жақындас­ты­ра түсетін ынтымақ нышаны болмақ», – деген сөзі облыс орталығының ертеңіне деген сенімімізді нығайтып отыр.

Түркістан ежелден күллі Түркі жұртшылығының тәу етер қасиетті тұрағына айнал­ған. Күн сайын ағылып келетін мыңдаған туристің толаста­мауы – осы­ның айқын дәлелі. Аты әлем­ге әйгілі ша­һар­­дың жаңа мәр­тебе алуы, мұра­жайлардың көп­тігі, «Күлтөбе қалашығы» архео­­ло­гиялық паркін құру да туризм­нің дамуына оң әсерін тигі­зері анық. Тарих таспасын­да қала­тын Жарлыққа қол қойып,­ көп ұзамай Түркістанға арнайы келіп, жаңа облыс орта­лығы ретіндегі даму тұжы­рым­­дамасын бекітіп берген Ел­ба­сы  мұндағы қарқынды жұ­­мыс­ты бір сәт те назарынан­ тыс қал­дырған жоқ. Бұл ма­ңыз­ды оқи­ғаның орын алғаны күні кеше ғана сияқты еді. Араға жылдан аса уақыт салып, алғашқы нысандар Елбасының қатысуымен ашылып, ел игі­лігіне берілді.

Даласынан тұлпарлардың дүбірі естілген, қойнауы тарих­ пен сырға толы Түркістан қала­сы бүгінде көз алдымызда гүл­деніп келеді. Ел билеген би­лер мен қаншама абыз, ба­тыр­лар­дың сүйегін қойнауында сақ­тап жатқан киелі топырақтан тү­леп шыққан тұлғалар мен қала тұрғындары ынтымақтас­тық пен бірлікте Түркістанның кемел келешегіне өз үлесін қосары анық. Күні кешегі сапарында облыс орталығын­да атқарылып жатқан жұмыс­тар­ға оң баға бер­ген Елба­сы құрылыстың қар­қынды жүр­гізілуі, жаңа ны­сандар­дың көптеп салынуы­ жастар үшін жаңа жұмыс орын­дарын ашуға мүмкіндік жасай­тынын атап өтті. «Бүкіл Қазақ­стан жұртшылығы Түркіс­тан­ның дамуын қолдап отыр. Әр­бір үй, әрбір қала – Қа­зақстан­ның бай­лығы. Елорданы салған кезде қар­жыландыруға байланыс­ты сұрақтар болған еді. Енді Нұр-Сұлтан қаласы барлық шығындарды өтеп, жыл сайын бюджетке триллиондаған кіріс әкеліп отыр», деді Ел­басы. Сол сияқты кешегі шешім­ге күмән­мен қараған кейбі­реу­лер­дің күдігі сейіліп, Түркі­станның жар­қын болашағына деген сенімі артты. Осы қарқын­мен ру­ха­ни қала барлық бағытта да­мы­ған, Түркі елдерінің ынты­мақ мекеніне айналары анық.

 

Шалатай МЫРЗАХМЕТОВ,

мемлекет және қоғам қайраткері

 

Түркістан облысы

 

Елбасы сөзі ақиқатқа айналып келеді

Жуырда Түркістанға жұмыс сапарымен келген Елбасы Н.Назар­баев Тәуелсіздік алған соң Түркістанды болашақ астана ретін­де қарастырғанын, бірақ жағ­дай бұған жол бермегенін атап өтті. Жалпы, Нұрсұлтан Әбіш­­ұлы Түркістанды түлетуге ерек­­ше ден қойып келеді. Қала­ның об­лыс орталығына айналып, құ­ры­лыс­тың бұрын-соңды болма­ған қар­қын алуы – соның бір айғағы.

Бүгінгі Түркістан, бұрынғыдан әлдеқайда өзгере жаңарып, жасар­ған. Тұңғыш Президентіміздің «Көне Түркістан жаңа Қазақ­стан­ның шырайлы шаһарына айналады» деп тасқа қашап жаздырған сөзі ақиқатқа айналып келеді. Құрылыстың қарқынын қалаға кіре бергеннен-ақ байқау қиын емес. Бұл алдағы үлкен істердің бастауы ғана. Қаланың бас жоспарына сәйкес әлі талай жоба жүзеге асырылатынына сенім мол. Бүгінде әкімшілік ғи­­­ма­­рат­тарды, тұрғын үйлерді, әлеу­­меттік және инженерлік инфра­­­құ­ры­лымдарды қамтитын, Түркіс­танда қолға алынған жалпы құны 275 миллиард теңге көле­міндегі қаржы қарастырылып, жүзеге асыру жоспарланған 150 құры­лыс ны­санының 102-сі биыл пай­дала­ну­ға берілмек. Қазірдің өзінде қаланың ажарын аша түскен жаңа нысандар ел игілігіне қызмет ете бастады.

Ешқашан сөзі мен ісі алшақ болып көрмеген Нұрсұлтан Әбіш­ұлының мұрындық болуымен әр жылдары Түркістан шаһарына бауырлас Түркия елінің басшылары Тұрғыт Өзал, Сүлеймен Демирел, Ахмет Сезер, Абдулла Гүл, Режеп Ердоған арнайы келіп, Ясауи мазарының басында дұға оқыды. Бұл олардың түркінің қарашаңырағын ұстап қалған қазақ топырағына деген риясыз көңілінің, шексіз құрмет­тің белгісі болса керек. Сондай-ақ Тұңғыш Президентіміз Қ.А.Ясауи атындағы ХҚТУ-дың ашы­луында оқу орны «Түркістанды өркениет биігіне көтереді» деп сенім білдірген-ді. Бүгінде оқу орны қалашығы аумағының ұлғая бастағаны­ның өзі бұл ойының айнымастай орындалып келе жатқанын аңғарта­ды. Жалпы, Түркістанның өсіп-өркендеуі тек еліміздің беделін биіктетіп, әлем алдындағы абыройын асқақтатып қана қоймай, күллі түркі дүниесінің мәртебесін көтере түсері сөзсіз.

 

Жеңісбек МӘУЛЕНҚҰЛОВ,

Түркістан облыстық ардагерлер кеңесінің төрағасы

 

Соңғы жаңалықтар

Қазақ күресі жаңа кезеңге аяқ басты

Ұлттық спорт • Бүгін, 19:28

Басылым басшылары - Жүсiпбек АЙМАУЫТОВ (1889-1931)

Басылым басшылары • Бүгін, 17:42

Басылым басшылары - Смағұл СӘДУАҚАСОВ (1900-1933)

Басылым басшылары • Бүгін, 16:53

Алматыда Абай клубы ашылды

Руханият • Бүгін, 16:22

Басылым басшылары - Бернияз КҮЛЕЕВ (1899-1923)

Басылым басшылары • Бүгін, 14:55

Басылым басшылары - Тәмимдар САФИЕВ (1892-?)

Басылым басшылары • Бүгін, 11:28

Атыраулықтар тағы да үздіктер қатарында

Аймақтар • 13 Желтоқсан, 2019

Ұқсас жаңалықтар