Аймақтар • 15 Қараша, 2019

Атырау облысында Исатай Тайманұлына ескерткіш орнатылды

83 реткөрсетілді

Исатай ауданының орталығы Аққыстау ауылында халық батыры, XVIII ғасырдағы соңғы хан билігіне қарсы ұлт-азаттық көтерілістің қолбасшысы болған Исатай Тайманұлына ескерткіш ашылды, деп хабарлайды Атырау облысының Өңірлік коммуникациялар қызметі.

Исатай Тайманұлына арналып салынған ескерткіштің авторы ҚР суретшілер одағының мүшесі, мүсінші  Серік Матениязов. Биіктігі 12 метр болатын ескерткіш таза қоладан құйылған.

Салтанатты шараға арнайы қатысқан облыс әкімінің бірінші орынбасары Серік Шапкенов Исатай батыр ескерткіші еліміздегі ең еңселі әрі тұғырлы мүсіннің бірі  екендігін атап өтті.

- Мұндай шоқтығы биік алып ескерткіштің нақты Исатай ауданында ашылуы заңды құбылыс. Бұл істің басы-қасында болып, ойға алған жоспардың ойдағыдай орындалып, уақытылы орнатылғаны үшін жергілікті жауапты тұлғаларға алғыс білдіремін. Бүгінгі міндетіміз – ұлы тұлғаларымызды ұлықтау. Осы арқылы өскелең ұрпақты тәрбиелеуіміз керек. Найза ұстаған айбарлы Исатай батыр ескерткіші республикадағы ең еңселі әрі тұғырлы мүсін. Барша исатайлықтарды айтулы мерекемен құттықтаймын, - дейді Серік Шапкенов.

Ескерткішті облыстық ардагерлер қоғамының төрағасы Қатимолла Ризуанов, облыстық ауған соғысы ардагерлері қоғамы төрағасының орынбасары  Бейімбет Нариманұлы және ауған соғысы жауынгерінің жесірі Қалима Абуова ашты. 

Айта кетейік, шара аясында облысқа танымал ғалым Амангелді Шамғоновтың Исатай Тайманұлы туралы жақында жарық көрген жаңа кітабының тұсауы кесілді.

8

Соңғы жаңалықтар

Басылым басшылары - Бернияз КҮЛЕЕВ (1899-1923)

Басылым басшылары • Бүгін, 14:55

Басылым басшылары - Тәмимдар САФИЕВ (1892-?)

Басылым басшылары • Бүгін, 11:28

Атыраулықтар тағы да үздіктер қатарында

Аймақтар • 13 Желтоқсан, 2019

Тәуелсіздік – тұғырым

Аймақтар • 13 Желтоқсан, 2019

Ұқсас жаңалықтар