Қазақстан • 19 Қараша, 2019

Әскери қызметшілер дабыл бойынша іс-қимылдарды пысықтады

33 реткөрсетілді

Әскери бөлімді жауынгерлік даярлықтың жоғары деңгейіне келтіру алгоритмі Нұр-Сұлтан қаласындағы десанттық-шабуылдау бригадасында көрсетілді. Әскери қызметшілер бөлім кезекшісінің іс-қимылынан бастап жауынгерлік техниканың шығуы жайлы іс-қимылды орындады. Бұл туралы Қорғаныс министрлігінің баспасөз қызметі хабарлады.

Әскери қызметшілер Қорғаныс министріне кезекші бөлімшенің, бөлім бойынша кезекшінің іс-қимылдарын, бақылау тобының жұмысын ұйымдастыруды, жеке құрамға қару-жарақ пен мүлікті беруді, қару-жарақ пен әскери техниканы қысқа мерзімді сақтаудан алып тастау тәртібін және жауынгерлік техниканың тұрағынан шығуын көрсетті.

Бөлімше толықтыруды қарсы алу пунктінің жұмысы қалай ұйымдастырылатынын, жергілікті әскери басқару органдарымен өзара іс-қимылдың қалай жүргізілетінін пысықтады.

Естеріңізге сала кетейік, 18-21 қараша аралығында Қорғаныс министрлігінде Қазақстан Қарулы Күштерінің басшылық құрамымен оқу-әдістемелік оқу-жаттығу жиыны өткізілуде. Бұл түрлі пішіндегі іс-шаралардың жиынтығы. Атап айтқанда командалық-штабтық әскери ойын, нұсқаулық-әдістемелік сабақтар, дәрістер және тактикалық лездемелер.

4

 

 

 

Соңғы жаңалықтар

Азық-түлік бағасы алаңдатады

Парламент • Бүгін, 08:12

Жылдың жұмыс жоспары нақтыланды

Парламент • Бүгін, 08:06

Ұқсас жаңалықтар