Экономика • 20 Қараша, 2019

Өзбекстанға электр энергиясын шығарады

11 реткөрсетілді

Жыл басынан бері Павлодар облысының өнеркәсіп саласында 1,5 трлн теңгенің өнімі өндірілді. Сөйтіп былтырғы көрсеткіш 21 млрд теңгеге немесе 1,8%-ға асыра орындалды. Бұл туралы Президент жанын­дағы Орталық коммуникациялар қызметінде өткен бас­пасөз мәслихатында өңір әкімі Болат Бақауов айтты.

Облыс әкімі былтыр өңір экономикасы 6,2%-ға артқанын, биыл осы деңгейді ұстап қалуды жоспарлап отырғандарын жеткізді. 9 айда мұнай өнімдерін өңдеу – 3,8%-ға, металлургия – 2,4%-ға, химия – 9,8%-ға, сондай-ақ машина жасау өнеркәсібі – 5,6%-ға ұлғайды. Индустрияландыру картасы аясында іске қосылған «Бозшакөл» тау-кен байыту комбинаты өндіріс көлемін арттырып келеді. Кәсіпорындағы металл рудалары мен концентрат өндіру 1,2 есеге көбейді.

Б.Бақауовтың айтуынша, екі ірі инвестициялық жоба бойынша жұмыс аяқталды. Нақты айтқанда, Ақсу ферроқорытпа зауытындағы феррохром өндірісін 11%-ға арттыруға мүмкіндік беретін №64 пеш жаңғыртылып, «Еуразиялық энергетикалық корпорация» АҚ-тың №5 энергоблогы қайта құрылды. Аталған жобалар бойынша инвестицияның жалпы көлемі 80 млрд теңгеден асты.

– Өткен жылы шикізаттық емес тауарлардың экспорт көлемі облыста 2 млрд долларға жетті. Бұл 2016 жылдағы көрсеткіштен 3 есе артық. Жыл басынан бері экспорт көлемі 1,2 млрд долларды құрады. Отандық өнімдердің экспортын арттыру мақсатында жаңа нарықтар зерттеліп жатыр. Екібастұздағы №1 МАЭС биыл Өзбекстан нарығына электр энергиясын сата бастады. «Вектор Павлодар» ЖШС Ресей Федерациясына жеңіл құймалы автомобиль дискілерін экспорттайды, – деді облыс әкімі.

Спикер осы жылы өңір экономикасына 347 млрд теңге инвестиция тартылғанын, бұл 2018 жылдағы көрсеткішпен салыстырғанда 112,7%-ға артық екенін айтты. Соның 75%-ын жеке инвестициялар құрайды. Облыстың аграрлық секторына құйылатын қаражат та жыл санап өсіп келеді.

 

Соңғы жаңалықтар

Қарағандыда Antikor Ortalygy мекемесі ашылды

Аймақтар • 07 Желтоқсан, 2019

Қазалыда ретро-фестиваль өтті

Аймақтар • 07 Желтоқсан, 2019

Қарқаралы ауданына жаңа әкім тағайындалды

Тағайындау • 07 Желтоқсан, 2019

Күлкі керуені № 20

Руханият • 06 Желтоқсан, 2019

Ұқсас жаңалықтар