Парламент • 25 Қараша, 2019

Парламентшілердің басқосуына қатысты

61 рет
көрсетілді
3 мин
оқу үшін

Мәжіліс Төрағасы Нұрлан Нығматулин бастаған парламенттік делегация Санкт-Петербургте өткен ТМД Парламентаралық Ассамблеясының мерейтойлық 50-ші жиынына қатысты, деп хабарлады Мәжілістің баспасөз қызметі.

Парламентшілердің басқосуына қатысты

Парламентшілер бүгінгі күнге дейін жасаған қыз­метінің қорытындыларын шығарып, болашаққа жос­пар құрды. Сонымен қатар бірқатар үлгі заңдарды қабыл­дады.

Пленарлық отырыста сөз алған Мәжіліс Спикері Нұр­лан Нығматулин ТМД ПАА-ны – әлемдік парламентаризм жүйесінде ерекше орын алатын ТМД елдерінің парламентшілері арасында­ғы нәтижелі диалогқа тиімді алаң екенін атап өтті. Сонымен бірге Мәжіліс Төрағасы Ас­самблеяның әрбір пленарлық отырысы азаматтардың әл-ауқатын жақсарту мақсатын­да елдердің интеграциялану жолындағы дәйекті қадам еке­нін баса айтты.

«Тұңғыш Президент Нұр­сұлтан Назарбаевтың сая­саты және Мемлекет басшысы Қасым-Жомарт То­қаев­тың бүгінде сол саясатты жал­ғастыруының арқасын­да Қазақстан Тәуелсіз Мемле­кет­тер Достастығындағы серік­тестікті белсенді және өзара пайдалы сипатта бағытынан таймай келеді», – деді Мәжіліс Төрағасы.

Елбасының ТМД-ның эконо­микалық негіз­дерін нығайту және сауда кедер­гілерін жою­ға бағыт­талған шаралар қабыл­дау туралы бас­тамалары­­ның ма­ңыз­ды­лығы туралы айта келе, Нұрлан Нығматулин Дос­тас­тықтың заманауи өмір шын­дығына бейімделуінің оң динамикасын атап өтті.

Мәжіліс Спикерінің пікірін­ше, Достастықты жаңғыр­ту және эволюциялық дамуын қамтамасыз ету жөніндегі жұмыстың жалғастырылғаны жөн. Қазіргі уақытта ТМД-ны одан әрі қарай дамыту тұжырымдамасы және оны іске асырудың негізгі іс-ша­ралар жоспары жаңар­тылу­да. Өзгерістер, ең алды­мен, пост­кеңестік елдер ынты­мақ­тастығының эконо­мика­лық мәселелеріне әсер етеді. Н.Нығматулин ТМД кеңіс­тігінде өзара ықпал­дастық­тың терең деңгейімен жаңа интеграциялық бірлестік­тер­дің пайда болуы және өр­кен­деуі енді жаңа құжатта көрініс табуы қажет екенін мәлім­деді. Әйтпесе ТМД-ға кі­ре­тін мемлекеттердің өзге интеграциялық бірлес­тіктер­­мен экономикалық байла­ныстарының дамуына кедергі туады.

Цифрлы экономика мен электронды сауда сияқты өзара ықпалдастықтың жаңа бағыттары –  ерекше назар аударуды қажет етеді. Елдер­дің ғылыми-техникалық және инновациялық ынтымақ­тастығы нығайтуға зәру.

Нұрлан Нығматулин Тәуел­сіз Мемлекеттер Дос­тас­ты­ғының 2030 жылға дейін­гі экономикалық даму стра­тегиясының іске асырылуына байланысты ТМД ПАА-ның күн тәртібі де өзекті боларына сенім білдірді.

– Мемлекеттер басшылары­ның барлық шешімдерінің орын­далуына парламенттік дең­гей­де барынша қолдау көрсе­ту қажет. Қазіргі уақыт­та Пар­ламентаралық Ассамб­лея­ның әр пленарлық отырысы пра­г­ма­тикалық сипатқа ие болуы ай­рық­ша маңызды бола түсуде. Ел­деріміз бетпе-бет кездесіп отырған заманауи сын-қатер­лер жағ­дайында ТМД-дағы инте­грациялық процестердің дамуына заңнамалық қолдау көрсететін парламентшілер­дің рөлі артып келеді. Сондық­тан Ассамблеяның маңыз­ды қырларының бірі – үлгілік  заңнама. Ол ТМД аумағында ин­теграциялық үрдістерге заңнамалық қолдау көрсете­тін және ұлттық заңнамалар­дың өзара үйлесуін қамтама­сыз ететін тиімді құралы болып табылады, – деді Мәжіліс Төрағасы.

Мерейтойлық жиында ТМД парламентшілері «Мүлікті сенімді басқару туралы және траст туралы», «Міндетті құ­қық туралы», «Экологиялық шығынды бағалау туралы», «Экологиялық туризм туралы», ұлттық экологиялық қауіпсіздік орталықтарын ұйымдас­ты­ру бойынша Ұсыныстар және трансшекаралық ақпарат ал­ма­судағы электронды но­та­риат­тық іс-әрекеттер туралы үл­гі заң­дарды қабыл­дады.

ТМД ПАА-ның күзгі сес­сиясы аясында Мәжіліс Спи­кері Нұрлан Нығматулин бір­­қатар екіжақты кездесу өт­кізді.