Тағайындау • 25 Қараша, 2019

«Қазақ радиолары» ЖШС директоры қызметіне Ернұр Бурахан тағайындалды

606 рет
көрсетілді
1 мин
оқу үшін

Жаңа басшыны радио ұжымына корпорация төрайымы Ләззат Танысбай таныстырды. Бұл туралы «Қазақстан» РТРК» АҚ баспасөз қызметі хабарлады.

«Қазақ радиолары» ЖШС директоры қызметіне Ернұр Бурахан тағайындалды

Ернұр Көшерханұлы Бурахан 1981 жылы 16 маусымда дүниеге келген. Журналистика саласында 20 жылға жуық тәжірибесі бар.

2007-2011 жылдар аралығында «Qazaqstan» Ұлттық телеарнасында тілші, редактор, редактор-жүргізуші, шеф-редактор қызметтерін атқарған.

2011 жылдан бастап әр жылдары бірқатар мемлекеттік мекемеде баспасөз хатшы, 2013-2015 жылдары Шығыс Қазақстан облысы Ішкі саясат басқармасы басшысының орынбасары, 2015-2017 жылдары Ақтөбе облысы әкімдігі аппарат басшысының орынбасары лауазымдарын атқарған.

2017 жылдан бүгінге дейін «Қазақстан» РТРК» АҚ Ақтөбе облыстық филиалы «Aqtóbe» телеарнасының директоры болған.

«Қазақстан» телерадиокорпорациясына қарасты «Қазақ радиолары» ЖШС құрамында «Qazaq radiosy», «Shalqar» радиосы, «Астана» және «Classic» радиолары бар.