Тараптар әңгіме барысында екіжақты байланыстарды өрістету мен парламентаралық қатынастарды дамыту жайлы ой бөлісті.
Елші мен парламентші келе жатқан жылды ынтымақтастық деңгейін арттыра түсуге пайдалану керек деген тоқтамға келді. 2017 жылы екі мемлекет арасындағы дипломатиялық қатынастарға 25 жыл толады, Канада өзінің 150 жылдығын тойласа, Астана ЭКСПО-2017 халықаралық көрмесін өткізеді. Қазақстан БҰҰ Қауіпсіздік Кеңесінің тұрақты емес мүшесі ретіндегі міндеттерін атқаруға кіріседі.
Сонымен қатар, жүздесуде Канада Парламентінде Қазақстан-Канада парламенттік достық тобы құрылатыны мәлім болды. Тараптар бұл жайттың парламентаралық үнқатысудың жаңа бір бетін ашатынына сенімді.
Кездесуде тараптар екі ел арасында экономика мен басқа да салалардағы ынтымақтастықты тереңдете түсуге мүдделілік танытты.