Іріктеуде ашықтық қамтамасыз етілген

27 қараша мен 12 желтоқсан ара­лы­ғында өтетін аталған кезеңге 400 үміткер жіберілді.

Сарапшылық комиссия тұрақты және тұрақты емес мүшелерден тұрады. Оның құрамында Президент Әкімшілігінің, Мемлекеттік қызмет істері агенттігінің, Пре­зидент жанындағы Мемлекеттік бас­қару академиясының және «Самұ­рық-Қазына» АҚ корпоративтік универ­ситетінің өкілдері бар.

Мемлекеттік қызмет істері агент­тігінің төрағасы Анар Жайылғанованың айтуынша, алдыңғы кезеңдердегідей әңгі­мелесуде барынша ашықтық қамта­масыз етілген. «Комиссия мүше­лері үміткерлерді онлайн-жүйеде баға­лайды. Ол келесі түрде іске асырыла­ды. Комиссияның әрбір мүшесі қаты­су­шымен әңгімелесуден кейін сол ме­зетте үміткерге бірден беске дейінгі шкала бойынша өзінің бағасын қояды. Бағалауды жүргізу үшін әрбір белгі­ленген шкаланың тиісті өлшемдері мен дескрипторлары әзірленді. Олар бойынша ол (комиссия мүшесі – еск.) бағалауды қояды, содан кейін баға автоматты түрде базаға түседі және генерацияланады. Осылайша бағалау үдерісі 2-3 секундтан аспайды. Басқаша айтқанда, комиссияның барлық мүшелері онлайн баға енгізгеннен кейін, олар бірден базаға түседі. Ең бастысы, бағаны түзетуге ешқандай мүмкіндік жоқ», деді А.Жайылғанова.

А.Жайылғанова, сондай-ақ комиссия мүшелері әңгімелесудің нәтижелерін дауыстап талқыламайтынын, соның арқасында комиссияның басқа мүше­леріне өз пікірімен ықпал ету мүмкіндігі жойылатындығын айтты.

Онлайн-жүйеде әрбір комиссия мүшесінің бағалауы негізінде үміткердің жалпы орташа бағасын шығарудың қарапайым формуласы қолданылады. Ағымдағы күн ішінде әңгімелесулер аяқталғаннан кейін комиссия хатшысы – жүйе әкімшісі хаттаманы дереу басып шығарады және комиссияның әрбір мүшесі өзінің бағалауының дұрыстығына көз жеткізуге мүмкіндігі бар және оларды қолтаңбасымен куәландырады.

«Сонымен қатар процестердің объек­тивтілігіне ешкімнің күмәні болмауы үшін сол күні үміткерлердің же­ке каби­неттерінде деректер жария­лануда. Сарап­шылық комиссиясында әңгімелесуді қоса алғанда, әрбір алдыңғы кезеңдер бойын­ша үлес салмағын ескере отырып, үміт­кер­лердің жалпы рейтингі барлық кандидаттар әңгімелесу кезеңінен өткеннен кейін pkrezerv.kz сайтында қолжетімді болады», деп хабарлады МҚІА төрағасы.