Парламент • 10 Желтоқсан, 2019

Армениямен ынтымақтастық дамиды

6 реткөрсетілді

Парламент Сенатында депутаттар Әлімжан Құртаев, Михаил Бортник, Ерік Сұлтанов және Арменияның Қазақстандағы елшісі Гагик Галачянның кездесуі болды, деп хабарлады Сенаттың баспасөз қызметі.

Жүздесуде екіжақты қаты­нас­тарды дамытудың, атап айтқанда көлік-логис­ти­ка бағдары мен кәсіп­кер­лік қызметті жүргізу­дің мүм­­кіндіктерін кеңейтуге қатыс­ты ауқымды мәселелер қаралды.

Қазақстаннан Армения­ға ба­ғалы металдарды уа­қыт­­ша әкетуді заңнамалық рет­теу тақы­рыбы бөлек қаралды.

Тараптар сондай-ақ 2020 жы­­л­­ға жоспарланған Қазақстан – Армения, биз­­нес-фо­ру­мын өткізу мәселесін де талқылады.

Кездесу қорытындысы бо­йын­­ша талқыланған мәселе­лерге талдау жүр­гізу және ұсы­ныс­­тар әзірлеу жөнін­дегі жұмыс тобын құру туралы шешім қабылданды.

Қазақстан Республикасы Пар­­­ламенті Сенатының Төр­аға­сы Дариға Назарбаева 14 қара­ша­да Арменияға ресми сапармен бар­ған болатын, онда Қазақстан мен Арменияның экономика­лық жә­не гуманитарлық сала­лардағы қа­ты­настарын одан әрі кеңейту мә­селелері тал­қы­ланды.

 

Соңғы жаңалықтар

Ұқсас жаңалықтар