Хоккей • 24 Желтоқсан, 2019

Жеңісті жолын жалғастыра алмады

7 реткөрсетілді

Құрлықтық хоккей лигасында (ҚХЛ) сынға түсіп жатқан елорданың «Ба­рыс» клубы Мәскеудің «Спартак» ко­ман­дасынан жеңіліп қалды.

«Барыс» ойыншылары осыдан бірер күн бұрын Мәскеу облысының «Витязь» клубынан 5:2 есебімен басым түскенімен, жексенбі күні ҚХЛ-дің «Батыс» конференциясында 5-орында келе жатқан «Спартак» командасына 3:1 нәтижесімен есе жіберді. Бірінші кезеңде айдын иелерінен Илья Зубов мергендігімен көзге түссе, екінші кезеңде Ар­тем Федоров есепті 2:0-ге жеткізді. Екін­­ші 20 минутта «Барыс» сапынан Арка­дий Шестаков таблодағы көрсеткішті бір шайбаға қысқартқанымен, үшінші ке­зеңде «Спартак» ойыншысы Александр Хохлачев командасының үшінші голын соғып, матчтың нүктесін қойды. Осылайша төрт ойынға созылған «Барыстың» жеңісті жолын «Спартак» кесті.

Елорда командасы келесі кездесуін 25 желтоқсанда Санкт-Петербургтің СКА клу­бына қарсы өткізеді. Матч Нұр-Сұл­тан қала­сындағы «Барыс Арена» спорт кешенінде өтеді.

 

Соңғы жаңалықтар

Тәлкекке түскен тағдыр

Әдебиет • Кеше

Құбылыс

Руханият • Кеше

Атымтай жомарттар аз емес

Қазақстан • Кеше

Ұқсас жаңалықтар