«Кітап көрмесінде Абай әлеміне байланысты 185-тен астам кітаптар, ақынның шығармалары мен аудармалары шоғырланған. Бірнеше бөлімнен құрастырылған. Кітап көрмесі Абай әлемін оқырмандарға жан-жақты таныстыру мақсатында ұйымдастырылып отыр», дейді қалалық Орталықтандырылған кітапханалар жүйесі директорының орынбасары Ләззат Спатаева.
Мемлекет басшысы Қасым-Жомарт Тоқаев өз мақаласында Абайдың туған жерін, Семей өңірін әлеуметтік-экономикалық тұрғыдан кешенді дамытуды қолға алуды тапсырған еді. Көрмеге келген ақынның ұрпақтары мұндай жаңалықты естіп, көзайым болғандарын айтады. Ал көрме ғұламамен байланысты жан-жақты материалдармен толықтырылып, жыл соңына дейін ашық болады.
– Шәкәрім атаның денесін құр құдыққа лақтырғаны көпшілікке аян. Отыз жылдан кейін баласы Ахат қазып алып шығады да, Қарауылды ауылдағы үйде арулап сол үйден шығарған болатын. Сол үйде менің балалық шағым өтті. Әлі күнге дейін ол үй бар. Әлі күнге дейін сол үйде ұрпақтары жалғасуда» - дейді Абай Құнанбайұлының інісі Ысқақтың ұрпағы Нұргүл Ысқақова
АЛМАТЫ
