Аймақтар • 21 Қаңтар, 2020

Құрылымына сай атаулары да өзгерсе...

15 рет көрсетілді

Оңтайландыру тиімділігіне орай аудандағы Розовка ауылы­на Максимовка, Ефремовка ауылына Даниловка, Мичурин ауылына Госплемстанса, Шақат ауылына Заозерное шағын ауылдары қосылатын болды.

Оңтайландыру мақсатын түсіндіру бағытында аудан әкімдігі Розовка, Ефремовка, Мичурин атындағы, Шақат ауылдарында жергілікті тұр­ғындарымен кездесіп жиындар өткізуде.

Яғни, тиімді оңтайлан­дыру барысында ауылдар­дың дамуы 2025 жылға де­йін­гі «Өңірлерді дамыту» бағ­дар­ламасына сай жүр­гізіледі. Бағ­­дарлама мемле­кеттік, әлеу­меттік қыз­мет­тер­мен қам­тыл­ған жа­ңа заман ауыл­­дарын қа­лып­тастыруға мүм­кіндік береді.

Ал 140 тұрғын қалған 37 үй­ден тұратын Заозерное ша­ғын ауы­лында ешбір әлеу­мет­тік ны­сан жоқ екен. Кіре­беріс жол жөнделмек. Екі аралыққа оқу­шылар мектеп автобусымен бару­да.

– Шағын ауылды қағаз жү­зінде таратып, Шақат ауы­­лының құрамына қосу тиімді. Заозер­­ное Шақат ауылы құра­мына енсе, 800 тұр­­ғыны бар қос ауылға бө­лі­нетін қаражат­тың игі­лігін көрер едік, – дейді ауыл әкімі Базарбай Әбиев.

Госплемстанса бөлімшесі де Мичурин атындағы ауылға қосылып, тұрғындар саны 2 жарым мыңға жетпекші.

Ал биыл елімізде ха­лық санағының өтетіні бел­гілі. Ауылдар санының рет­ке келуі де, аудандағы Гри­горьевка, Ольгинка, Луганск, Чер­но­рецк, Рождественка сияқ­­ты ауыл­дық аумақ атаула­рының да аты-жөндері енді елдік мүд­деге сай өзгергені қажет-ақ.

Бұл күндері өңірдегі аудан­дарға оралмандар, оңтүстіктен қоныс аударушылар көшіп келуде.

 

Павлодар облысы,

Павлодар ауданы

Соңғы жаңалықтар

Семейге «Сергек» орнатылады

Аймақтар • Бүгін, 14:56

Әкім ақынға құрмет көрсетті

Аймақтар • Бүгін, 14:52

Алматыда халықаралық форум өтті

Аймақтар • Бүгін, 14:27

Коронавирусқа тағы 51 адам шалдықты

Коронавирус • Бүгін, 09:18

COVID-19: Сыры қашан ашылар?..

Коронавирус • Бүгін, 08:35

Ұқсас жаңалықтар