Әдебиет • 25 Қаңтар, 2020

Мархабат Байғұттың 7 томдығының тұсаукесері өтті

119 реткөрсетілді

Түркістан облыстық Пушкин атындағы кітапханада елімізге кеңінен танымал жазушы-журналист Мархабат Байғұттың 7 томдық шығармалар жинағының тұсаукесер рәсімі өтті.

Мәдениет және спорт министрлігі Тіл саясаты комитетінің қолдауымен өткен жылдың соңында жарық көрген кітаптардың тұсаукесер рәсіміне ақын-жазушылар және оның шығармашылығын сүйіп оқитын оқырмандар қатысты. Жазушы Тіл саясаты комитетіне 5 мың таралыммен шыққан 7 томдық кітабын еліміздің түкпір-түкпіріндегі кітапханаларға тарату туралы өтінішін айтыпты.

Әдеби кеште кітапханашылар Мархабат Байғұттың мектеп оқушылары туралы жазған «Тоғызыншы сынып» пьесасын қойып, келген қонақтарды терең ойға батырды. Бұл қойылымда тура жолдан тайып, нашаға елітіп жас өмірін қор еткен оқушылардың өмірі баяндалады. Әсерлі шыққан қойылымға разы болған көрермендер ризашылықтарын білдірді.  Сондай-ақ кеш барысында Түлкібас ауданы әкімінің орынбасары Ерлан Күзембаев бастаған делегация жазушыға жүрекжарды лебіздерін жеткізді. Ерлан Күзембаев кеш иесінің әдебиетке сіңірген еңбегі мен жас дарындарға жол ашуда атқарған жұмыстары жөнінде тарқатып айтты.  «Мархабат Байғұт әрқашан жастарды қолдап жүреді. Осы орайда, шығармашыл жастарға қол ұшын созу мақсатында 2013 жылы Түлкібаста Мархабат ағаның мұрындық болуымен «Мархабат-Мирас» қоғамдық қоры құрылған болатын. Аталған қор осы уақытқа дейін көптеген игі істерді жүзеге асырды. Аудандықтан бастап халықаралық деңгейге дейін әдеби байқаулар өткізілді, жас ақын-жазушылардың кітаптары шығарылды. Жастардың елге танылып, шыңдалуына жол ашты.  «Мархабат оқулары», «Шырайлым-Шұбайқызылым» байқаулары да көптеген таланттардың танылуына септігін тигізді. Ауданда «Ақсу-Жабағылы алауы, Шұбайқызыл жалауы» фестивалі өтті. Мұнда жас суретшілер, қолөнер шеберлері өз туындыларын көпшілікке көрсетті. Мархабат ағаның туған жері – Пістелі ауылында өтетін «Таупістелі тағылымы» жобасы қос буын арасында ұрпақтар сабақтастығының орнауында үлкен рөл атқарып келеді. Туған жерді түлетуде Мархабат ағаның сіңірген еңбегі ұшан-теңіз. Қай істе болсын, біз әрқашан жазушы ағамызға арқа сүйеп жүреміз»,  - деген аудан әкімінің орынбасары жазушыға ұзақ ғұмыр тілеп, сый-құрмет көрсетті. Сонымен қатар, түлкібастық ақын, Мархабат ағаның құлын-тайдай тебісіп өскен сыныптасы Әбдібек Аралбайұлы құрдасына арнау өлең оқып берді. Марқасқа ақын Нармахан Бегалы Мархабат Байғұттың шығармашылық ерекшеліктеріне тоқталды. Ал, ардагер журналист Байдулла Қонысбек Мархабат Байғұтпен «Оңтүстік Қазақстан» газетінде етене жақын араласқанын есіне алды. Өз кезегінде жазушы Мархабат Байғұт қонақтарға ризашылығын жеткізіп, қазіргі оқырмандар туралы ой қозғады. «Қазір біздің жазғандарымызды ешкім оқымайтын шығар деп ойлайтынмын. «Оқымайды» деп те ренжімеймін. Бірақ, олай емес екен. Іздеп жүріп оқитындар бар секілді. Былтыр Ақтөбеден Әлихан деген 23 жастағы жігіт мені іздеп Шымкентке келді. Ол менің бір мақаламды оқып қалып содан мені іздепті. Кітап сұрап келген оған үйдегі 3 томдық кітабымды беріп жібердім. Осындай оқырмандардың бары қуантады», - деді жазушы.

Әсерлі кеш соңында оқырмандар жазушыменестелік суретке түсіп, аз-кем тілдесіп қалуға тырысып жатты.

Соңғы жаңалықтар

Сақтанған адам сау жүрер

Қоғам • Бүгін, 10:32

Ақмоладағы көктемгі қарбалас

Аймақтар • Бүгін, 10:20

Мұнай бағасы 40 пайызға көтерілді

Экономика • Бүгін, 09:27

Чайковский шығармалары шырқалды

Қазақстан • Бүгін, 09:18

Дер кезіндегі демеу

Руханият • Бүгін, 08:25

Төлем алуға – Telegram-бот

Қоғам • Бүгін, 08:05

Кәсіпкерлер үшін мүмкіндік

Қазақстан • Бүгін, 08:05

Петропавл карантинге жабылды

Аймақтар • Бүгін, 08:00

Қаржы халыққа бағытталады

Үкімет • Бүгін, 07:53

Құптарлық қадам

Парламент • Бүгін, 07:47

Мешітте бетперде цехы ашылды

Аймақтар • Бүгін, 07:35

Елге пайдасы тиген адам жақсы

Парламент • Бүгін, 07:30

Ішінара шектеу енгізілді

Коронавирус • Бүгін, 07:30

Аудан өмірінің айнасы

Аймақтар • Бүгін, 07:27

Арман аласармасын

Руханият • Бүгін, 07:22

Диқан дизельді төмен бағаға алады

Экономика • Бүгін, 07:11

Ұқсас жаңалықтар