Қазақстан • 20 Ақпан, 2020

Қазақстандық күзет жүйесі Тәжікстан мекемелерінде қолданылады

24 рет көрсетілді

2020 жылғы 20 ақпан – Тәжікстанның астанасында Петропавл ауыр машина жасау зауыты (ПАМЖЗ) дайындаған Қазақстандық күзет жабдықтарын Тәжікстанның Әділет министрлігіне салтанатты табыс ету рәсімі өтті. Бұл туралы Сыртқы істер министрлігінің баспасөз қызметі хабарлады.

Салтанатты рәсімге СІМ Ерекше тапсырмалар жөніндегі Елшісі Рәпіл Жошыбаев, Қазақстанның Тәжікстандағы Елшісі Асқар Тәжібаев, ТР Әділет Министрінің орынбасары Мансурджон Умаров, БҰҰ-ның Орталық Азиядағы есірткі және қылмыс жөніндегі басқармасының өңірлік өкілі Ашита Миттал, сондай-ақ ПАМЖЗ және БҰҰ-ның елдік кеңселерінің өкілдері қатысты.

Іс-шара аясында түзеу мекемелеріне арналған күзет жабдықтарының 2 жиынтығын қабылдау-тапсыру туралы актіге қол қойылды. Бұл жоба Қазақстанның дамуға ресми көмек  ұлттық жүйесінің (ДРК) жобасын іске асыруының нәтижесінде мүмкін болды.

СІМ Ерекше тапсырмалар жөніндегі Елшісі Р.Жошыбаев өз сөзінде ДРК ұлттық жүйесін құру бойынша жүргізіліп жатқан жұмыстар, осы саладағы ұлттық операторы, «KazAID» агенттігін құру жөніндегі жоспарлар туралы таныстырды. Сондай-ақ, Қазақстандық дипломат Орталық Азия елдері мен Ауғанстандағы ДРК шеңберіндегі бірқатар жобалардың іске асырылуы туралы хабардар етіп, қазақстандық тараптың осы бағыт шеңберінде одан әрі бірлескен жұмысқа дайындығын атап өтті.

Өз кезегінде, ТР Әділет Министрінің орынбасары М.Омаров Қазақстан тарапына көмек көрсеткені үшін алғысын білдіре отырып, Қазақстанның осы маңызды бағыттағы қызметі Тәжікстанда да, жалпы өңірде де тұрақтылық пен қауіпсіздікті нығайтуға мүмкіндік беретініне сенім білдірді.

Қазақстанның ДРК саласында айтарлықтай тәжірибесі бар. Біздің еліміз Ауғанстанға, Қырғызстанға, Тәжікстанға білім беру гранттары мен оқу орындарын салу түрінде гуманитарлық көмек көрсетті.

Жобаны жүзеге асыру Орталық Азия өңіріндегі қауіпсіздікті қамтамасыз ету және Қазақстан мен Тәжікстан арасындағы екіжақты қарым-қатынастарды дамыту жөніндегі бірлескен күш-жігер аясында маңызды болып табылады.

 

Соңғы жаңалықтар

Мереке қарсаңындағы марапат

Аймақтар • Бүгін, 16:06

COVID-19: Вакцина бағасы қандай болмақшы?

Коронавирус • Бүгін, 15:13

Алдағы күндері аяз болады

Аймақтар • Бүгін, 11:25

Елордада STEM олимпиадасы өтті

Аймақтар • Бүгін, 10:30

Пневмонияның 43 жағдайы тіркелді

Коронавирус • Бүгін, 09:10

Саңлақтар сыр бермеді

Күрес • Бүгін, 08:28

Білім мен рухани бірлік алаңы

Руханият • Бүгін, 08:23

Ел чемпионатында топ жарды

Спорт • Бүгін, 08:20

Ой түбінде жатқан сөз...

Қоғам • Бүгін, 08:17

Ұқсас жаңалықтар