Бос жатқан жерлерге бақылау күшейді

 

Мәселен, былтыр жүргізілген тексеріс барысында жерге қатыс­ты 325 заң бұзу фактісі анық­талып, жерді заңсыз пайда­ла­нушыларға 23 миллион теңге кө­лемінде айыппұл төлеу мін­дет­теді. Сондай-ақ ауыл ша­руа­­шылығы мақсатындағы

320 мың гектар жер мемлекет мен­шігіне қайтарылып алынды. Оның 115 мың гектарын сот ар­қылы мәжбүрлі түрде алуға тура келген. Ауқымды тексеру шара­ларынан кейін аймақтағы 80 мың гектардан астам жайылым тиісті мақсатқа пайдаланы­лып, нәтижесінде өңірде мал ба­сы арта бастады. Жер бақылау инспекторларының мәліметінше, бүгінде бұл жайылымдарда шаруа қо­жалықтары 207 жылқы, 622 ірі қара, 304 ұсақ мал бағып отыр.

Қазір игерусіз бос жатқан жер­лерді ұстап отыру меншік ие­лері үшін де тиімсіз. Өйткені олардың қарамағындағы жерді ауыл ша­руашылығы мақсатына пайда­ланбағаны үшін салықты 10 есе артық төлеуге мәжбүр. Был­тыр­дың өзінде мұндай жерлерден облыс бюджетіне салық түрінде 212 миллион теңгеден астам қаржы түскен. Өткен жылы 220 мың гектарға жуық алқаптың пайдаланусыз жатқаны анықталған еді. Одан облыс бюджетіне наурыз айына дейін шамамен 39 миллион теңгедей салық түсуі тиіс. Жерді тиім­ді пайдалануға міндеттейтін қатаң шаралардың нәтижесінде Жангелдин, Жітіқара, Бейімбет Майлин аудандарындағы бір­қатар шаруашылық жалпы көлемі 205 мың гектар жерден ерікті түрде бас тартқан. Мем­лекет меншігіне өткен жердің басым бөлігінің құнары төмен екенін айтпай кетуге болмайды. Облыс басшылығы алдағы уақытта өңірдің солтүстік аудан­да­рындағы түгін тартсаң, майы шығатын құйқалы жерлерді қа­таң бақылауға алуды көздеп отыр.

Аймақта коммерциялық құ­ры­лыс нысанын салуға арналған жер телімдері де межеленген мақ­сатта пайдаланылып жат­қан жоқ. Жердің пайдаланылуы мен қорғалуын бақылау бас­қармасының басшысы Нұр­лан Әбдуевтің айтуынша, өткен жы­лы жүргізілген тексеруден кейін 58 жер телімі сот ар­қы­лы мемлекет меншігіне қай­та­рылып, 137 жер телімі ме­же­лі мақсатқа пайдаланыла бас­таған. Биыл коммерциялық құ­рылыс жүруі тиіс 100 жер телімі тағы да мемлекеттік мен­шікке қайтарылуы мүмкін. Оның 70-і шағын кәсіпкерлерге бө­лінген жер телімі.

Өңірде биылдан бастап ауыл шаруашылығына тиесілі жерлерге ғарыштық мониторинг жүр­гізетін қанатқақты жоба жү­зеге аса бастайды. Бұл таяу­да Президент жариялаған ша­ғын кәсіпкерлікті тексеруді шек­тей­тін мораторий ережелерін бұз­бай-ақ, пайдаланусыз жатқан жерлерді бақылап анықтауға мүм­кіндік береді.

Алдағы уақытта облыста жер пайдалануға құқық беру үшін өткізілетін конкурстарға қа­тысты қабылданатын ше­шім­дердің дұрыс-бұрыстығы да қатаң бақылауға алынады. Мәселен, 2020 жылдың алғаш­қы жартыжылдығы ішінде Сары­көл, Федоров, Қостанай аудан­дарының әкімдіктеріне тексеру жүргізу жоспарланып отыр. Бұл іс-шара лауазымды тұлғаларды әкім­шілік жауапқа тарту мақ­сатында емес, аудандардағы жер қатынастары бөлімдеріне құқық­тық-әдістемелік көмек көрсету үшін жүргізілмек.

 

ҚОСТАНАЙ