Парламент • 18 Наурыз, 2020

Мәжіліс қашықтан жұмыс істеу форматына көшеді - Нұрлан Нығматулин

10 реткөрсетілді

Бүгін онлайн режимде өткен жалпы отырыста Мәжіліс Төрағасы Нұрлан Нығматулин карантинге байланысты Мәжіліс жұмысы жаңа форматқа көшетінін мәлімдеді. Бұл туралы Парламент Мәжілісінің баспасөз қызметі хабарлады.

«Елімізде қалыптасқан төтенше жағдайға және қаламызда карантин жариялауға байланысты Мәжілістің де жұмыс режимі өзгеретін болады. Ертеңнен бастап Мәжіліс жұмысының басым бөлігі басқа форматқа көшеді. Бұл - әрбір азаматтың қауіпсіздігін сақтау үшін жасалып жатқан шаралар. Оған бәріміз түсіністікпен және жоғары жауапкершілікпен қарауымыз қажет, - деді Н. Нығматулин.

Жалпы отырыстар, комитеттер мен заң жобалары бойынша жұмыс топтарының отырыстары кезінде ғана депутаттар Мәжіліс ғимаратында болады. Мәжіліс Спикері атап өткендей, басқа күндері телекоммуникацияның заманауи түрлерін пайдалану арқылы қашықтан жұмыс істейді.

Заң жобасына қатысы бар тараптардың үздіксіз жұмысын қамтамасыз ету үшін заманауи интернет-технологияны пайдалана отырып, қашықтан жұмыс істеу әдісі енгізіледі. Мүдделі мемлекеттік органдардың, парламенттік емес саяси партиялардың, сараптамалық қауымдастықтың ұсыныс-пікірлерін жинап, позицияларды келісу бойынша жұмыстар бейнеконференция, скайп, селекторлық жиналыс, басқа да коммуникация түрлерін қолдану арқылы жүзеге асырылады. Заңдарды жобалық бақылау бойынша жұмыс топтарының отырыстары олардың мүшелері мен әзірлеуші орган өкілдерінің ғана қатысуымен өтеді.

Мәжіліс Спикері негізгі жұмыс топтары, жалпы отырыстар және бейінді комитеттер жиындары бұрынғыдай онлайн-режимде Мәжіліс сайты (www.parlam.kz) арқылы таратылатынын айтты. Парламенттік тыңдаулар мен үкіметтік сағаттар кейінге шегеріледі. Мәжіліс ғимаратында жиналыстар, жұмыс кездесулері, азаматтарды қабылдау өткізуге шектеу қойылады.

Депутаттар мен Аппарат қызметкерлері үшін іссапарлар, басқа да қызметтік және жеке сапарларға тыйым салынады.

Сонымен қатар Мәжіліс Аппараты қызметкерлерінің 70% пайызы жалақысы сақтала отырып, қашықтан жұмыс істеу форматына көшіріледі. Қалған бөлігі қысқартылған жұмыс уақыты бойынша қызмет атқарады. Жаңа жұмыс тәртібін алға тарта отырып, Мәжіліс Төрағасы заң шығару жұмысының қарқыны мен сапасын төмендетпеуге айрықша назар аударды.

Соңғы жаңалықтар

Конкурс жарияланады

Қоғам • Бүгін, 07:57

Көршіңізбен қалайсыз?

Руханият • Бүгін, 07:54

Қажығұмарды қайтеміз?

Таным • Бүгін, 07:47

Тұратыда туған тарландар

Руханият • Бүгін, 07:45

«Штрафбаттың» командирі

Руханият • Бүгін, 07:43

Тәлкекке түскен тағдыр

Әдебиет • Кеше

Ұқсас жаңалықтар