Биыл біз көктем мерекесін үйде, отбасымызбен атап өтеміз.
Біз ел бірлігінің құндылығын, отбасылық бақыттың және жақындарымыздың амандығының маңызын түсініп, Қазақстан халқының біртұтас отбасына жататынымызды, еліміздің болашағы үшін жауапкершілігімізді бұрынғыдан да айқын сезіне бастадық.
Бірлік пен келісімді көзіміздің қарашығындай сақтап, ынтымағымызды нығайта отырып, біз айналамыздағыларға қамқорлық жасау арқылы біз жарқын болашаққа сенім артамыз.
Ардақты ағайын!
Біз қоғамдық келісімнің арқасында кез келген қиындықты иық тіресе еңсере білдік. Бұдан әрі де солай болады. Бұл біздің ортақ тарихымыз арқылы дәлелденген.
Наурыз мейрамы құтты болсын! Ол сіздерге және жақындарыңызға мықты денсаулық, қуаныш, бақыт және жақсы үміт әкелсін!
Біздің ортақ үйіміз, Отанымыз – Қазақстан Республикасы өркендей берсін!
Ежелден жаңару мен жасампаздықтың бастауы, ырыс пен берекенің арқауы болған бұл мереке сізге және сіздің жақындарыңызға мықты денсаулық, қуаныш, бақыт пен молшылық әкелсін!
Ұлыс оң болсын! Ақ мол болсын!
Наурыз мейрамы құтты болсын!
Қазақстан халқы Ассамблеясы
