Аталған жобаның басты міндеттерінің бірі – коронавирус инфекциясы (COVID-19)  бойынша қолайсыз жағдайы бар елдерден келген пациенттерді жедел бақылау және Қазақстан аумағы бойынша вирустың таралуына мониторинг жүргізу.

Тұрғындар Damumed көмегімен үйден шықпай-ақ дәрігердің кеңесін ала алады, яғни мобильді қосымша COVID-19-ға тән белгілерді қадағалауға мүмкіндік береді.

Damumed бағдарламасын Play Market немесе Apple Store арқылы тегін көшіріп алуға болады. Мобильді қосымшаның көмегімен біздің әрқайсымыз COVID-19-ға тән белгілерге мониторинг жүргізе аламыз. Аталған қосымша орнатылған адамда үрей туындаса, күн сайын немесе күніне бірнеше рет денсаулық жағдайын сипаттап шағын чек-парақты толтыра алады. Мұны балаларға, қарт ата-аналар үшін де жасауға болады.

Толтырылған чек-парақты учаскелік дәрігер мен Қарағанды облысының коронавирус жөніндегі штабының мамандары көреді. Дәрігер пациенттің симптомдарын зерттейді және оған қатысты тиісті шешім қабылдайды.

Егер адам үй карантинінде болса, ол күн сайын өзінің денсаулық жағдайы туралы мәліметтерді жіберуі тиіс. Учаскелік дәрігер дабыл қағазының көмегіне сүйеніп, карантиндегі пациентті қадағалап отырады.

«Виртуалды патронаж» бізге үйден шықпай-ақ дәрігерлердің көмегіне жүгінуге мүмкіндік береді. Егер сізде респираторлық ауру белгілері пайда болса, онда бар болғаны дәрігеріңізге өзіңіздің мәліметіңізді жібересіз.

Қарағанды облысы қажет болып жатса, бұл тәжірибені Қазақстан бойынша таратуға дайын.

Қарағанды облысы