Десек те төрт жылда бір өтетін осы керемет спорттық шараға Жапонияның жақсылып тұрып даярланғаны анық. Үкімет тарапынан мол көлемде қаржы бөлінді, демеушілер жан-жақты көмек көрсетті. Жиналған қаражатқа зәулім кешендер салынды, жөндеу-жабдықтау жұмыстары жүргізілді, жұмыс күші тартылды және басқа да көптеген шаруа атқарылды. Оның барлығы да қыруар шығын екені анық.
Nikkei Asian Review ұйымының есебі бойынша Олимпия ойындарының кейінге шегерілуіне байланысты Жапония елі 6,32 миллиард АҚШ доллары көлемінде шығынға батады екен.
