Алайда кейбір соғыс немесе басқа да төтенше жағдайларға байланысты кейбір байрақты бәсекелердің кейінге шегеріліп жатқанын көзіміз көріп жүр. Мәселен, коронавирустың кесірінен биыл жазда Токиода алауы тұтануға тиіс жазғы Олимпия ойындары 2021 жылы өтетін болды. Қазіргі кезде айтулы доданы қай уақытта өткіземіз деп Ұлттық Олимпиада комитеті (ҰОК) мен жарыс қожайындары бас қатырып жатқан көрінеді.
ҰОҚ-тың үйлестіру комиссиясының жетекшісі Джон Коутстың пайымдауынша ең тиімді мерзім шілде мен мамыр айлары. Себебі, шілденің ортасында теннисшілердің Уимблдон турнирі аяқталып, тамыздың соңында АҚШ-тың ашық біріншілігі басталады. Сонымен қатар, айтулы ұйым FINA және World Athletics басшыларына су спорты түрлері және жеңіл атлетикадан әлем чемпионаттарын өткізу мерзімін өзгерту жөнінде өтініші білдірді. Бұл жарыстардың жалауы, сәйкесінше, 16 шілде - 1 тамыз және 6-15 тамыз күндері аралығында желбіреуге тиіс еді.
Әрине, ҰОҚ осындай қадамға бекер барып отырған жоқ. Жоғарыда аталған спорт түрлерінің беделі зор және көрермендері мен демеушілері де өте көп. Сол үшін де ҰОҚ-тың жоғарыда аталған ұйым басшыларының шешімімен санасуына тура келеді.
